සෞඛ්‍යය අංශය වෙත නිකුත් කෙරුනු පෙට්‍රල් ඉන්ධන නිසි ලෙස නිකුත් නොකල බවට චෝදනා කරමින් නාවලපිටිය දිස්ත්‍රික් මහ රෝහලේ වෛද්‍යයවරුන් ඇතුළු සේවකයින් 01 දින පස්වරුවේ නාවලපිටිය සමුපාකාර ඉන්ධන පිරවුම් හල අසල උද්ඝෝෂණයක නිරත විය.
උදැසන සිට එම ඉන්ධන පිරවුම් හලෙන් නාවලපිටිය දිස්ත්‍රක් මහ රෝහලේ වෛද්‍යයවරුන්ට සහ කාර්ය මණ්ඩලයට ඉන්ධන නිකුත් කල අතර , ඉන්ධන ලබා ගැනිමට පැමිනි වෛද්‍යයවරුන් සහ කාර්යමණ්ඩලයේ පිරිසකට ඉන්ධන අවසන් බවට ඉන්ධන පිරවුම් හලේ සේවකයින් දැනුම් දිමත් සමගයි උද්ඝෝෂණය ආරම්භ කරනු ලැබුවේ .
අද එම ඉන්ධන පිරවුම් හල වෙත පෙට්‍රල් ඉන්ධන ලීටර් 6600 ක් ලැබුනු බවත් , එම ඉන්ධන වලින් සිමිත ප්‍රමානයක් සෞඛ්‍යය අංශ වෙත නිකුත් කර ඉන්ධන තොගයක් පොලිස් නිලධාරින්ට සහ ඉන්ධන පිරවුම් හලේ කළමනාකාරිත්වයට හිතවත් පිරිසකට නිකුත් කල බව පවසමින් එම පිරිස උද්ඝොෂණයේ නිරත විය.
ලබන සතියේ සිට රෝහල් කාර්ය මණ්ඩලයේ අධික්ෂණය යටතේ ඉන්ධන නිකුත් කරන බවට සමුපාකාර ඉන්ධන පිරවුම් හලේ කළමනාකරු විසින් උද්ඝෝෂණයේ නිරත වු පිරිස හමුවේ ප්‍රකාශ කිරම් සමග උද්ඝෝෂණය තාවකාලිකව අත්හැරිමට නාවලපිටිය දිස්ත්‍රික් මහ රෝහලේ වෛද්‍යයවරුන් සහ කාර්යමණ්ඩලය පියවර ගැනින.
