කොවිඩ්-19 වෛරසය ව්යාප්තියේ රට තුළ මේ වන විට පවතින තත්ත්වය නිසි ලෙස අවබෝධ කර ගැනීම සදහා අහඹු පී.සී.ආර්. පරික්ෂණ වැඩියෙන් කළ යුතු බව ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසයි.
එහි සභාපති උපුල් රෝහණ මහතා පැවසුවේ පසුගිය කාලයට සාපේක්ෂව රට තුළ සිදුකරන කරන පී.සී.ආර්. පරීක්ෂණ ප්රමාණය අවම කර ඇති බවයි.
පසුගිය කාලයේ රට තුළ පී.සී.ආර්. පරික්ෂණ 20,000කට ආසන්න ප්රමාණයක් සිදුකළ බවත් ඉන් කොවිඩ් ආසාදිතයින් දහසකට ආසන්න සංඛ්යාවක් හදුනා ගැනීමට හැකි බව ඒ මහතා පැවසීය.
කෙසේ වෙතත් මේ වන විට රට තුළ සිදුකරන පී.සී.ආර්. පරික්ෂණ 5,000 සීමාවට අවම කර ඇතැයි උපුල් රෝහණ සදහන් කරයි.
පළමු පෙළ ආශ්රිතයින් අවමවීම හේතුවෙන් පී.සී.ආර්. පරීක්ෂණ අවම කර ඇති බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපතිවරයා අනාවරණය කරයි.
ඔබේ ප්රතිචාරය කුමක්ද ?
+1
+1
+1
+1
+1
+1
+1
1
