නිරිතදිග බෙංගාල බොක්ක මුහුදු ප්රදේශයේ පවතින අඩු පීඩන කලාපය පීඩන අවපාතයක් දක්වා වර්ධනය වී ඇතැයි කාලගුණ විද්යා දෙපාර්තමේන්තුව පවසනවා.
මෙම පද්ධතිය ත්රිකුණාමලය සිට කිලෝමීටර් 420ක් ඊසාන දෙසින් ස්ථානගතව ඇති බවයි එම දෙපාර්තමේන්තුව කියාසිටියේ.
එය බන 24 සහ 25 යන දෙදින තුල ශ්රී ලංකාව හරහා ගමන් කිරීමේ හැකියාවක් ඇති බව සඳහන්.
මේ හේතුවෙන් දෙසැම්බර් මස 24 වනදා සහ 25 යන දිනවලදී දිවයිනේ බොහෝ ප්රදේශවල වැසි සහ සුළං තත්ත්වයේ වැඩිවීමක් අපේක්ෂා කරන බව ද කාලගුණ විද්යා දෙපාර්තමේන්තුව ප්රකාශ කළා.
හෙට දිනයේදී උතුර නැගෙනහිර ඌව සහ උතුරු මැද පළාත්වල විටින් විට වැසි ඇතිවන බව සඳහන්.
උතුරු නැගෙනහිර බස්නාහිර සබරගමුව සහ ඌව පළාත්වල විටින් විට හමන පැයට කිලෝමීටර් 40ක 50ක පමණ තද සුළං ඇතිවිය හැකි බව ද එම දෙපාර්තමේන්තුව ප්රකාශ කළා.
මේ හේතුවෙන් මන්නාරම සිට කන්කසන්තුරය ත්රිකුණාමලය සහ මඩකලපුව හරහා පොතුවිල් දක්වා වෙරළට ඔබ්බෙන් වන ගැඹුරු සහ නොගැඹුරු මුහුදු ප්රදේශවල මෙන්ම නිරිතදිග බෙංගාල බොක්ක මුහුදු ප්රදේශයේ නැවත දැනුම්දෙන තෙක් යාත්ර නොකරන ලෙසටයි ධීවර සහ නාවික ප්රජාවට දැනුම්දෙන්නේ.
දැනට මෙම මුහුදු ප්රදේශවල ධීවර කටයුතුවල යෙදී සිටින පිරිස වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙසට දැනුම්දී තිබෙනවා. එමෙන්ම කාලගුණ විද්යා දෙපාර්තමේන්තුව මගින් මේ සම්බන්ධයෙන් නිකුත් කරන ඉදිරි නිවේදන පිළිබඳ සිය අවධානය යොමු කරන ලෙසට ධීවර සහ නාවික ප්රජාවගෙන් ඉල්ලීමක් කෙරෙනවා.
