පසුගිය 21 වනදා රාත්‍රියේ ගන්දර පොලිස් වසමේ දෙවුන්දර ශ්‍රී විෂ්ණු දේවාලය අසල දී වෙඩි තබා දෙදෙනෙකු ඝාතනය කිරීමේ සිද්ධියට අවශ්‍යව කර සිටි තවත් සැකකරුවෙක් අත්අඩංගුවට ගෙන තිබෙනවා.
මෙම සැකකරු පෙරේදා (23) උදෑසන මාතර කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකරු 34 හැවිරිදි වියේ පසුවන දෙවුන්දර ප්‍රදේශයේ පදිංචිකරුවෙක් බවයි.
මෙම අපරාධය සම්බන්ධයෙන් මීට පෙර කතාවක් ඇතුළු සිව්දෙනෙක් අත්අඩංගුවට ගැනුණා.
අත්අඩංගුවට ගත් කාන්තාව ඇතුළු සැකකරුවන් සිව්දෙනාගෙන් පොලීසිය මේ වනවිට රැඳවුම් නියෝග මත ප්‍රශ්න කරමින් සිටින අතර, ඔවුන්ගෙන් සිද්ධිය සම්බන්ධයෙන් වැදගත් තොරතුරු රැසක් අනාවරණ කරගෙන තිබෙනවා.
අත්අඩංගුවට ගත් එක් සැකකරුවෙක් ඝාතනයට ලක් වූ තරුණයන් දෙදෙනාගේ සමීපතමයෙක් වන අතර, ඔහු ප්‍රසිද්ධ දුරකථන සමාගමක රැකියාවේ නියුතු අයෙක් බවයි වාර්තා වන්නේ.
එමෙන්ම අත්අඩංගුවට ගත් කාන්තාව ඝාතන කොන්ත්‍රාත්තුව ලබාගත් බවට සැකකරන පුද්ගලයාගේ 30 හැවිරිදි බිරිඳ බවටයි හෙළිව ඇත්තේ.
මෙම ඝාතනය මෙහෙය වූ බව කියන දෙහිගෙදර බාලේ නැමැත්තාගේ ඥාතියෙකු ද අත්අඩංගුවට ගෙන තිබූ අතර ඔහු ව්‍යාපාරිකයෙක්.
අත්අඩංගුවට ගැනුණු සිව්වැනි සැකකරු වෙඩික්කරුවන්ට නවාතැන් සැපයීම අත්අඩංගුවට ගෙන ඇති අතර, ඔහු බාලේ මල්ලි නැමැත්තාගේ මත්ද්‍රව්‍ය ජාලය මෙරට සිට මෙහෙයවන පුද්ගලයා බවයි අනාවරණය වී ඇත්තේ.
මේ අතර මෙම වෙඩි තැබීමට සම්බන්ධ වෙඩික්කරුවන් දෙදෙනා මේ වන විට හඳුනාගෙන ඇතැයි පොලීසිය පවසනවා.
එම වෙඩික්කරුවන් අත්අඩංගුවට ගැනීමට විශේෂ පොලිස් කණ්ඩායම් කිහිපයක් යොදවා ඇති බව පොලීසිය සඳහන් කළේ.
