දින 286ක කාලයක් අභ්යවකාශයේ සිර වී සිටි සුනීතා විලියම්ස් සහ බුච් විල්මෝර් යළි පෘථිවියට පැමිණ තිබෙනවා.
අද (19) අලුයම 3.30ට පමණ ඔවුන් රැගත් ස්පේස් එක්ස් හි ඩ්රැගන් අභ්යවකාශ යානාව පැය 17ක මෙහෙයුමකින් අනතුරුව සාර්ථක ව පෘථිවියට පැමිණ ඇති බවයි විදෙස් මාධ්ය වාර්තා කළේ.
සුනීතා විලියම්ස් සහ බුච් විල්මෝර් පසුගිය වසරේ ජුනි 5 වන දින බෝයිං ස්ටාර්ලයිනර් යානයකින් අභ්යවකාශ මධ්යස්ථානයට පියාසර කළා.
ජාත්යන්තර අභ්යවකාශ මධ්යස්ථානය විසින් ලබාදෙනු ලැබූ දින 08ක කාලයක් ගත වන මෙහෙයුමක් මාස 09ක පමණ කාලයක් සිදු කිරීමට සිදු වීමෙන් පසුව මොවුන් දෙදෙනා යළිත් මෙලොවට පැමිණ ඇති බවයි වාර්තා වන්නේ.
ෆ්ලොරිඩා වෙරළට ඔබ්බෙන් වූ සාගරයට ඇදවැටීමට පෙර අභ්යවකාශ කැප්සියුලය මගින් එහි පැරෂුටය හරහා ගගනගාමීන් දෙදෙනා නාසා හි නික් හේග් සහ රොස්කොස්මොස් ඇලෙක්සැන්ඩර් ගොර්බුනොව් සමග සිය මෙහෙයුම අතිසාර්ථක ව අවසන් කළා.
මෙම ගගනගාමීන් හට නියමිත කාලයට මෙහෙයුම අවසන් කර යළි අභ්යවකාශ මධ්යස්ථානයෙන් පිටත්ව ඒමට නොහැකි වූයේ ඔවුන් රැගත් යානාවේ ඇති වූ කාර්මික දෝෂ හේතුවෙන් බවයි පැවසෙන්නේ.
