දක්ෂිණ අධිවේගයේ මාරක අනතුරක්

දක්ෂිණ අධිවේගී මාර්ගයේ කිලෝමීටර් 80.08 සහ 80.09 කිලෝමීටර් කණු අතරදී ඊයේ (07) රාත්‍රියේ සිදු වූ රිය අනතුරකින් පුද්ගලයෙකු ජීවිතක්ෂයට පත්ව තිබෙනවා.

කොළඹ දෙසට ධාවනය වූ තැඹිලි පැටවූ ඩීමෝ බට්ටා වර්ගයේ ලොරි රථයක් ඊට ඉදිරියෙන් ගමන් කළ බවුසර් රථයක ගැටී මෙම අනතුර සිදුව ඇති බවයි පොලිසිය සඳහන් කළේ.

අනතුරින් බරපතළ තුවාල ලැබූ ලොරි රථයේ රුයදුරු සහ රිය සහායක ප්‍රතිකාර සඳහා කරාපිටිය රෝහල් ගත කිරීමෙන් අනතුරුව රිය සහායක ජීවිතක්ෂයට පත්ව තිබෙනවා.

මියගිය පුද්ගලයා අහංගම ප්‍රදේශයේ පදිංචි 55 හැවිරිදි පුද්ගලයෙක් බවයි වාර්තා වුණේ.