අද (14) දිනට යෙදී ඇති තෛපොංගල් උත්සවයේ බත පිසීමට හෝ රතු සහල් හිඟ වී ඇත්තේ වත්මන් රජයේ ක්රියාකාරීත්වය නිසා නොව පසුගිය ආණ්ඩුවේ අමනෝඥ තීන්දු – තීරණ නිසා බව වෙළෙඳ අමාත්ය වසන්ත සමරසිංහ මහතා පවසනවා.
රට තුළ රතු සහල් හිඟයක් නිර්මාණය වීමත් සමග ජනතාවගේ දෝස් මුරයට වත්මන් රජය ලක් වී ඇති බවත්; වැරදි පුවත්වලට හසු නොවන ලෙසත් විශේෂ මාධ්ය හමුවක් කැඳවමින් වෙළෙඳ අමාත්යවරයා කියා සිටියා.
රතු සහල් හිඟ වීමට නිශ්චිතව ම බලපෑ හේතු ජනතාවට දැනුම්දීමේ බලාපොරොත්තුවෙන් පැවැත්වූ විශේෂ මාධ්ය සාකච්ඡාවකදීයි අමාත්යවරයා මේ බව කියා සිටියේ.
කෙසේවෙතත් ඉන්දියාව සමග සාකච්ඡා කර; රාජ්ය වාණිජ නීතිගත සංස්ථාව හරහා යම් ප්රමාණයකින් රතු සහල් ආනයනය කිරීමට ටෙන්ඩර් කැඳවා තිබෙනවා.
වෙළෙඳ අමාත්යවරයා ප්රකාශ කළේ ඉන්දියාවේ ද සීමිත කොටසක රතු සහල් වගා කරන බවත් නැව් ගාස්තු රහිත ව ආනයනය කිරීමේ දී ද විශාල පිරිවැයක් ඒ වෙනුවෙන් දැරීමට සිදු වන බවයි.
කෙසේවෙතත් ජනතාව වෙනුවෙන් රජය විසින් ඉන්දියාවෙන් රතු සහල් මෙට්රික් ටොන් 7500ක් හෝ ආනයනයට උත්සාහයක් දරනු ලැබූ බව ද අමාත්යවරයා වැඩිදුරටත් ප්රකාශ කළා.
