ඉරානයට එරෙහි එක්සත් ජනපද – ඊශ්රායල් යුද්ධය නිසා ඇති වූ තෙල් කම්පනය සහ සැපයුම් දාම බාධා මධ්යයේ, ඉන්දියාවට තෙල් සහ ද්රව ස්වාභාවික ගෑස් (LNG) සැපයුම “ස්ථාවරව වැඩි කිරීමට” සහ ඉන්දියාවේ පොහොර අවශ්යතා සපුරාලීමට “දිගටම” හැකියාව ඇති බව රුසියාව සහතික කර තිබෙනවා .
රුසියාවේ පළමු නියෝජ්ය අගමැති ඩෙනිස් මන්ටුරොව් සහ ජාතික ආරක්ෂක උපදේශක අජිත් ඩෝවාල් සහ විදේශ කටයුතු අමාත්ය එස් ජයශංකර් සමඟ පෙරේදා (02) පැවති රැස්වීම්වලදී බලශක්ති සහයෝගීතාවය කැපී පෙනෙන ලෙස ඉස්මතු වූ බව අයිසීසී T20 ලෝක කුසලාන තරගාවලියේ මූලාශ්ර උපුටා දක්වමින් විදෙස් මාධ්ය වාර්තා කළා .
මන්ටුරොව් මුදල් අමාත්ය නිර්මලා සීතාරාමන් සමඟ ද සාකච්ඡා පැවැත්වූ අතර ඊයේ සවස අගමැති නරේන්ද්ර මෝදි හමුවුණා.
සංචාරය සම්බන්ධයෙන් රුසියානු නිවේදනයකින් කියැවුණේ තෙල් හා ගෑස් අංශයේ ද්විපාර්ශ්වික සහයෝගීතාව කෙරෙහි විශේෂ අවධානයක් යොමු කර ඇති බවයි.
“ඉන්දියානු වෙළඳපොළට තෙල් හා ද්රව ස්වාභාවික ගෑස් සැපයුම් ක්රමයෙන් වැඩි කිරීමට රුසියානු සමාගම්වලට හැකියාව ඇති බව ඩෙනිස් මැන්ටුරොව් තහවුරු කළේය,” එහි සඳහන්.
බටහිර ආසියානු අර්බුදය හෝර්මුස් සමුද්ර සන්ධිය හරහා බොරතෙල් සහ ගෑස් සැපයුම්වල බාධා හේතුවෙන් ගෝලීය බලශක්ති වෙළඳපොළට අඛණ්ඩව පීඩනයක් එල්ල කරන පසුබිමක මෙම අදහස් පළ වුණා.
