ජාතික ලොතරැයි මණ්ඩලයේ හිටපු ක්රියාකාරී අධ්යක්ෂ තුසිත හල්ලොලුව මහතාගේ ජීප් රථයට වෙඩිතැබීමේ සිද්ධිය සම්බන්ධයෙන් අත්අඩංගුවට ගත් සැකකරුවන් හයදෙනා මෙම සිද්ධියට සෘජුවම සම්බන්ධ බවට අනාවරණය වු බවට කොළඹ අපරාධ කොට්ඨාසය අධිකරණයට කරුණු ඉදිරිපත් කළා.
එලෙස හයවන සැකකරු වන රුවන් පුෂ්ප කුමාර යන අය ප්රධාන සැකකරු වන වෙඩික්කරු සමග යතුරුපැදිය පැදවූ අය බවටත්, ප්රධාන සැකකරු විසින් හයවන සැකකරුට රුපියල් ලක්ෂ දෙකක මුදලක් ලබා දී ඇති බවට ද විමර්ශනවල දී අනාවරණය වූ බවට අධිකරණයේ දී ප්රකාශ කළ බවයි දසත අධිකරණ වාර්තාකරු පැවසුවේ.
තවමත් ප්රධාන සැකකරු වන වෙඩික්කරු අත්අඩංගුවට ගැනීමට නොහැකි වූ බව ද ප්රකාශ කළා.
තුන්වන සැකකාරිය වන සුරංගි උදේශිකා යන අය ප්රධාන සැකකරු වන වෙඩික්කරුගේ අනියම් බිරිඳ බවට ද, ඇයගේ නිවසේ තිබියදී මෙම සිද්ධිය සඳහා භාවිත කළ පොරව ද සොයා ගැනීමට හැකි වූ බවට විමර්ශන නිලධාරියා විසින් අධිකරණයේ දී ප්රකාශ කළා.
මෙම සැකකරුවන් හය දෙනා මෙම සිද්ධිය සම්බන්ධයෙන් සෘජුවම සම්බන්ධ බවට විමර්ශනවල දී කරුණු ඉදිරිපත් වූ බවට විමර්ශන නිලධාරියා විසින් අධිකරණයේදී ප්රකාශ කරනු ලැබුවා.
තවමත් සිද්ධිය සඳහා යොදාගත් ගිනිඅවිය සහ යතුරුපැදිය සොයා ගැනීමට නොහැකි වූ බව ද අධිකරණයේ දී විමර්ශකයින් කියා සිටියා.
මෙම සැකකරුවන් හය දෙනා ජුනි මස 12 වන දින දක්වා රක්ෂිත බන්ධනාගාරගත කරන ලෙසට කොළඹ අතිරේක මහේස්ත්රාත් පසන්
අරසේන මහතා නියෝග කළේ මෙවන් පසුබිමක් තුළයි.
