තැපැල් ඡන්දය භාවිත කිරීමේ ප්රතිශතය මෙවර 98%ක් පමණ වන බව ශ්රී ලංකා තැපැල් දෙපාර්තමේන්තුවේ නියෝජ්ය තැපැල්පති රාජිත රණසිංහ පවසනවා.
අද (10) පැවති මාධ්ය හමුවකට එක්වෙමින් ඒ මහතා පැවසුවේ; මේ වනවිට ලියාපදිංචි රක්ෂිත පැකට්ටු ලක්ෂ 07කට අධික සංඛ්යාවක් තැපැල් දෙපාර්තමේන්තුව වෙත ලැබෙමින් පවතින බවයි.
එමෙන්ම එම රක්ෂිත පැකට්ටුවලින් 85%ක ප්රමාණයක් ඒ ඒ ප්රදේශවල තේරීම් භාර නිලධාරීන් වෙත ප්රාදේශීය තැපැල් ස්ථානාධිපතිවරුන් හරහා ලබාදීමට කටයුතු කරන බවයි වාර්තා වන්නේ.
නිල ඡන්ද පත්රිකා සැප්තැම්බර් මස 03 වැනිදා සිට බෙදා හැරීම ආරම්භ කළ අතර; මේ වනවිට ලක්ෂ 35කට වැඩි ප්රමාණයක් බෙදා අවසන් කර ඇති බව ද සඳහන්.
එය ප්රතිශතාත්මකව සියයට 60ක අගයක් ගන්නා බවයි වාර්තා වන්නේ.
මිලියන 10ක වගේ නිල ඡන්ද පත්රිකා ප්රමාණයක් ගෙයින් ගෙට ගොස් බෙදා අවසන් කර ඇති අතර ; එය සැප්තැම්බර් මස 14 වැනිදා තෙක් ප්රාදේශීය තැපැල් කාර්යාල හරහා සිදු කෙරෙන බවයි නියෝජ්ය තැපැල්පතිවරයා පැවසුවේ.
නිල ඡන්ද පත්රිකාවක් හිමි නොවීම ඡන්දය භාවිත කිරීමට නුසුදුසුකම් ලෙස නොසැලකෙන බවත්; එය හුදෙක් ව්යවස්ථාපිත ලියවිල්ලක් පමණක් බවත්; තම ඡන්ද පත්රිකාව නොලැබුණහොත් ප්රාදේශීය තැපැල් වසමේ කාර්යාලයට ගොස් තැපැල් ස්ථානාධිපති හමු වී එය ලබා ගන්නා ලෙසට ද තැපැල් දෙපාර්තමේන්තුව දැනුම්දෙනවා.
