තායිවාන රජය සිය ආරක්ෂාව තර කරගැනීම උදෙසා ප්රහාරක ඩ්රෝන යානා මිල දී ගැනීමට සූදානමින් සිටින බවට තොරතුරු වාර්තා වනවා.
බිස්නස් ස්ටෑන්ඩර්ඩ් වෙබ් සඟරාව වාර්තා කළේ තායිවානය මෙම ඩ්රෝන යානා මිල දී ගැනීමට සැරසෙන්නේ සිය මිත්ර අමෙරිකාවෙන් බවයි.
තායිවානය; චීන තර්ජනවලට එරෙහිව එහි අසමමිතික ආරක්ෂක හැකියාවන් ඉහළ නැංවීමේ අරමුණින් අමෙරිකානු සමාගම් වන AeroVironment සහ Anduril Industries වෙතින් මෙම ඩ්රෝනා යානා මිල දී ගැනීමට නියමිතව තිබෙනවා.
සැප්තැම්බර් අග දී ඩ්රෝන යානා පිරිනැමීමේ සහ පිළිගැනීමේ ලිපියක් (LOA) තායිවානය අත්සන් කළා.
මෙහි ඊළඟ අදියර, මිල ගණන් සහ බෙදාහැරීමේ කාලසටහන් නියම කිරීම සඳහා ගිවිසුම් විධිමත් කිරීම ඇතුළත් වනු ඇති.
තායිවානයේ හමුදාව අමෙරිකාවෙන් Switchblade 300 loitering පතොරම් 685 ක් සහ ALTIUS 600M-V මිනිසුන් රහිත ගුවන් යානා (UAVs) 291 ක් ලබා ගැනීමට සැලසුම් කර තිබෙනවා.
