ගත වූ පැය 24 තුළ දිවයින පුරා මෙහෙයුම්වලින් අපරාධකරුවන් 660ක් අත්අඩංගුවට ගෙන තිබෙනවා.
මත්ද්‍රව්‍ය වැරදි සම්බන්ධ සැකකරුවන් 552ක් සහ අපරාධ අංශ වෙත යොමුකළ ලැයිස්තුවේ සිටි සැකකරුවන් 108ක් මෙලෙස අත්අඩංගුවට ගැනුණු අපරාධකරුවන් අතරට අයත්.
මත්ද්‍රව්‍ය වැරදි සම්බන්ධ අත්අඩංගුවට ගත් සැකකරුවන් 552 දෙනා අතරින් මත්ද්‍රව්‍යවලට ඇබ්බැහිවූ අයෙක් පුනරුත්ථාපානය සඳහා යොමු කර තිබෙනවා.
පොලිස් මත්ද්‍රව්‍ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 03ක් ද අත්අඩංගුවට ගැනුණු පිරිස අතරට අයත්.
එමෙන්ම අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 108 දෙනා අතරින් මත්ද්‍රව්‍ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 08ක් සහ මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 95ක් ද සිටිනවා.
ඇඟිලි සටහන් මාධ්‍යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 02ක් සහ අපරාධවලට අවශ්‍ය කරන සැකකරුවන් 03ක් ද මෙම මෙහෙයුම්වලදී අත්අඩංගුවට ගෙන තිබෙනවා.
මේ අතර හෙරොයින් ග්‍රෑම් 152ක්, අයිස් ග්‍රෑම් 134ක්, ගංජා කිලෝ 04යි ග්‍රෑම් 150ක්, ගංජා පැල 775ක්, මාවා කිලෝ 07යි ග්‍රෑම් 700ක්, මදන මෝදක ග්‍රෑම් 162ක් සහ මත්පෙති 192,826ක් ද මෙම මෙහෙයුම් වල දී අත්අඩංගුවට ගත බවයි පොලිසිය පැවසුවේ.
