මේ දිනවල ඇෆ්ගනිස්ථාන විදේශ අමාත්ය අමීර් ඛාන් මුත්තකි ඉන්දියාවේ ඓතිහාසික රාජ්ය සංචාරයක නිරත වනවා.
නමුත් මෙම විදේශ සංචාරයට සමගාමීව ඊයේ ඉන්දියාවේ නවදිල්ලි නගරයේ දී විශේෂ මාධ්ය හමුවක් පැවැත්වුණු අතර ඊට එක්වීමට කිසිදු මාධ්යවේදිනියකට අවස්ථාව හිමිවූයේ නැහැ.
මේ වනවිට මෙම සිදුවීම සමස්ත ඉන්දීය මාධ්යවේදීන් රැසක විසින් ම දැඩි විවේචනයට ලක් කරනු ලැබ තිබෙනවා.
ඇෆ්ගනිස්ථාන විදේශ අමාත්ය අමීර් ඛාන් මුත්තකි නවදිල්ලියේ දී ඇමතූ මාධ්ය හමුවේ දී තමන්ට “කිසිදු කාර්යභාරයක් ඉටු කිරීමට” නොමැති බවත්, එය හුදෙක් දිල්ලියේ ස්ථානගත කර ඇති මුම්බායි ඇෆ්ගනිස්ථාන කොන්සල් ජෙනරාල්වරයාගෙන් තෝරාගත් මාධ්යවේදීන් කිහිපදෙනෙකුට පමණක් විවෘත වූ මාධ්ය හමුවක් බවත් ඉන්දීය රජය අද (11) විශේෂ නිවේදනයක් නිකුත් කරමින් සඳහන් කළා.
එම මාධ්ය හමුවට කිසිදු කාන්තා මාධ්යවේදිනියෙකුට අවසරයක් නොලද බැවින් දැඩි කෝපයට හේතු වුණා.
ඇෆ්ගනිස්ථාන තානාපති කාර්යාල භූමිය ඉන්දීය රජයේ අධිකරණ බලයට අයත් නොවන බවත් ඉන්දීය රජය වැඩිදුරටත් සඳහන් කළා.
ඇෆ්ගනිස්ථානයේ තලේබාන් රජය කාන්තාවන්ට පනවා ඇති සීමාවන් සඳහා ප්රසිද්ධ ය.
විශේෂයෙන් ඇෆ්ගන් කාන්තාවන්ට රැකියා කිරීම, ක්රීඩාව පවා තහනම් වන අතර මෑතකදී ඇෆ්ගන් විශ්වවිද්යාලවල කාන්තාවන් විසින් රචනා කරන ලද පොත්පත් පවා තහනම් කරනු ලැබුවා.
ස්ත්රී පුරුෂභාවය සහ සංවර්ධනය, කාන්තා සමාජ විද්යාව, මානව හිමිකම්, ඇෆ්ගන් ව්යවස්ථාමය නීතිය සහ ගෝලීයකරණය සහ සංවර්ධනය ඇතුළු පාඨමාලා 18ක් මෙම නව නීති සමග බිඳ වැටුණා.
කෙසේවෙතත් විදෙස් සංචාරයක දී ඇෆ්ගන් රජයේ ක්රියාකලාපය වත්මන් ඉන්දීය විපක්ෂය විසින් දැඩි ලෙස ප්රශ්න කර සිටිනවා.
කොංග්රස් නායක රාහුල් ගාන්ධි විසින් තබන ලද X සටහනක දැක්වෙන්නේ මෙවැන්නක්;
”අගමැති මෝදි; ඔබ කාන්තා මාධ්යවේදීන් ප්රසිද්ධ සංසදයකින් බැහැර කිරීමට ඉඩ දෙන විට, ඔබ ඉන්දියාවේ සෑම කාන්තාවකටම පවසන්නේ ඔබ ඔවුන් වෙනුවෙන් පෙනී සිටීමට තරම් දුර්වල බවයි. අපේ රටේ, සෑම අවකාශයකම කාන්තාවන්ට සමාන සහභාගීත්වයක් සඳහා අයිතියක් ඇත. එවැනි වෙනස්කම් කිරීම් හමුවේ ඔබේ නිහඬතාව නාරි ශක්ති පිළිබඳ ඔබේ සටන් පාඨවල හිස් බව හෙළි කරයි” යනුවෙන්.
