තලවතුගොඩ සාමාජ ශාලාවක වෙඩි තැබීමක්

තලංගම පොලිස් වසමේ තලවතුගොඩ ප්‍රදේශයේ දී අද (19) අලුයම් කාලයේ වෙඩි තැබීමක් සිදුව තිබෙනවා.

තලවතුගොඩ ප්‍රදේශයේ පිහිටි ඕස්ට්‍රේසියා ස්පෝට් ක්ලබ් සාමාජ ශාලාව පිහිටි භූමියේ මෙම වෙඩි තැබීම සිදුව ඇති බවයි වාර්තා වන්නේ.

ව්‍යාපාරිකයෙක් සහ සුරාබදු නිලධාරියෙකු අතර ඇති වූ බහින් බස්වීමක් දුරදිග යාම හේතුවෙන් ඇති වූ ආරවුලක දී ව්‍යාපාරිකයා විසින් ඔහු සතුව තිබූ රිවෝල්වර වර්ගයේ ගිනි අවිය සුරාබදු නිලධාරියා වෙත එල්ල කර තිබෙනවා.

එම අවස්ථාවේ දී සුරාබදු නිලධාරියා විසින් ගිනි අවිය උදුරාගෙන අසල පිහිටි තාප්පයක් වෙත වෙඩි පහර කිහිපයක් එල්ල කර ඇති බවයි වාර්තා වන්නේ.

මෙම සිදුවීම සම්බන්ධයෙන් තලංගම පොලිස් ස්ථානය වෙත ලැබුණු තොරතුරක් මත එම ස්ථානය වෙත ගිය පොලිස් නිලධාරින් රිවෝල්වර ගිනි අවිය සහ සැකකරුවන් අත්අඩංගුවට ගෙන ගෙන තිබෙනවා.