මෙරට මැද දුර ධාවන ශූරියක් වන තරුෂි කරුණාරත්න සහ හෙල්ල විසිකිරීමේ ක්රීඩිකා දිල්හානි ලේකම්ගේ 2024 පැරිස් ඔලිම්පික් ක්රීඩා උලෙළට සුදුසුකම් ලබා ගැනීමට සමත් ව තිබෙනවා.
ලෝක මලල ක්රීඩා ශ්රේණිගත කිරීම් අනුව ඊට සුදුසුකම් ලැබීමේ කාලය පෙරේදා (30) දිනයෙන් අවසන් වුව ද යාවත්කාලීන කරන ලද තරග නීති සහ උපදෙස් මත තරුෂිගේ සහ ලේකම්ගේ මෙම ජයග්රහණයන් මොවුන් පැරිස් ඔලිම්පික් සඳහා සුදුසුකම් ලැබූ බවට ස්ථිර කෙරුණා.
ආසියානු ශූරතාවලියේ සහ ආසියානු ක්රීඩා උලෙළේ රන් පදක්කම්ලාභී තරුෂි කරුණාරත්න ශ්රේණිගත කිරීම්වල 45 වැනි ස්ථානයට පත් වූ අතර ඇය මීටර් 800 ඉසව්ව සඳහා සුදුසුකම් ලැබූ පළමු ක්රීඩිකාවන් 48 දෙනා අතරට පැමිණීමට සමත් වුණා.
මේ අතර, දිල්හානි ලේකම්ගේ ශ්රී ලංකා ක්රීඩිකාවන් අතර ඉහළම ශ්රේණිගත කිරීම අත්කර ගැනීමට සමත් වූ අතර, දැනට 26 වැනි ස්ථානයේයි ඇය පසුවන්නේ.
ඉන් පැරිස් ඔලිම්පික් සඳහා හෙල්ල විසි කිරීමේ තරග ඉසව්වට ක්රීඩිකාවන් 32 දෙදෙනකු තෝරා ගැනීමට නියමිතයි.
