ශ්‍රී ලංකාවේ ණය ප්‍රතිව්‍යුහගත කිරීමට අවශ්‍ය තාක්ෂණික උපදෙස් සඳහා ජාත්‍යන්තර නීති ආයතනයක සේවය ලබාගැනීමට බලධාරීන් තීරණය කර ඇති බව ජාත්‍යන්තර මාධ්‍ය වාර්තා කරයි.මේ අතර මෙරට මුහුණදී ඇති ආර්ථික අර්බුදය සම්බන්ධයෙන් ගතයුතු පියවර සඳහා ජාත්‍යන්තර මූල්‍ය අරමුදලේ සහාය ලබාගැනීමට කටයුතු සම්පාදනය කෙරෙමින් පවතී.
ඒ බව අද පැවති කැබිනට් තීරණ දැනුම්දීමට සංවිධානය කර තිබූ මාධ්‍ය සාකච්ඡාවේදී තොරතුරු හෙළිදරව් විය.පසුගිය වසර දෙක තුළදී ශ්‍රී ලංකාවේ විනිමය සංචිත 70%කින් පමණ පහළ ගොස් ඇති අතර එම අගය මේ වනවිට ඩොලර් බිලියන 2.31කි.
මේ වසර තුළදී ශ්‍රී ලංකාව විසින් පියවිය යුතු රාජ්‍ය ණය ඩොලර් බිලියන 4කි.අමාත්‍ය රමේෂ් පතිරණ පැවසුවේ ශ්‍රී ලංකාව ගතයුතු ක්‍රියාමාර්ග සම්බන්ධයෙන් “තාක්ෂණ උපදේශකවරයෙක්” පත්කිරීමට කැබිනට් මණ්ඩලය තීරණය කළ බවය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
