කේබල් ඩක්කුවක් කඩා වැටීමෙන් සිදු වූ අනතුරින් අපවත් වූ භික්ෂුන් වහන්සේලාට අවසන් ගෞරවය දැක්වීමට විපක්ෂ නායක සජිත් ප්රේමදාස කුරුණෑගල මැල්සිරිපුර නා උයන වෙත ගොස් තිබෙනවා.
එහි දී අපවත් වූ භික්ෂුන් වහන්සේලාගේ දේහයන්ට අවසන් ගෞරවය දැක්වීමෙන් අනතුරුව, විපක්ෂ නායකවරයා මෙම අනතුර සම්බන්ධයෙන් වැඩිදුරටත් සොයා බැලීමටත් එම ආරණ්ය සේනාසනයේ ප්රධාන ස්වාමීන් වහන්සේ මුණ ගැසී ඒ සම්බන්ධයෙන් සාකච්ඡා කිරීමටත් කටයුතු කර තිබෙනවා.
මේ අතර අනතුරින් අපවත් වූ භික්ෂුන් වහන්සේලා සත් නමගෙන් මෙරට භික්ෂුන් වහන්සේලා සිව්නමගේ දේහයන් පිළිබඳ අවසන් කටයුතු අද (27) දිනයේ සිදු කිරීමට නියමිතයි.
මේ අතර අපවත් වූ භික්ෂුන් වහන්සේලාගේ දේහයන් භූමදානය කිරීමටයි තීරණය කර ඇත්තේ.
එමෙන්ම, අනතුරින් අපවත් වූ ඉන්දීය සහ රුමේනියානු ජාතික භික්ෂුන් වහන්සේ දෙනමගේ දේහ අද උන් වහන්සේලාගේ මව් රට වෙත වැඩම කරවන අතර රුසියානු ජාතික භික්ෂුවගේ දේහය ඉදිරි දිනකදී සිය මව් රට වෙත වැඩම කරවීමට නියමිතව තිබෙනවා.
