ටී එකේ මිල දහයකින් උස්සයි

කිරි තේ කෝප්පයක මිල රුපියල් 10 කින් ඉහළ දැමීමට තීරණය කළ බව සමස්ත ලංකා ආපනශාලා සහ අවන්හල් හිමියන්ගේ සංගමය පවසනවා.

ආනයනික කිරිපිටි මිල ඉහළ යාම හේතුවෙන් මෙම තීරණය ගත බවයි එම සංගමය සඳහන් කළේ.

කිරිපිටි ආනයනකරුවන් විසින් අප්‍රේල් පළමු වනදා සිට කිරිපිටි මිල සියයට 4.7කින් ඉහළ දැමීමට පසුගිය දා තීරණය කළා.

මෙම තීරණයත් සමඟ ආනයනික කිරිපිටි ග්‍රෑම් 400 පැකට්ටුවක මිල රුපියල් 50 කින් මිල ඉහළ ගොස් තිබෙනවා.