සුප්‍රකට හොලිව්ඩු රංගන ශිල්පියෙකු වන අමෙරිකානු ජාතික රොන් එලී ජීවිතක්ෂයට පත් ව තිබෙනවා.
ලොව අතිශයින් ම ජනප්‍රිය වූ ‘ටාසන්’ (Tarzan) ටෙලි කතා මාලාව සඳහා ටාසන් චරිතය පණපෙවීම් සිදු කළේ රොන් එලී විසින්.
ෆොක්ස් නිව්ස් වෙබ් අඩවිය පැවසුවේ සිය පියාණන්ගේ අභාවය ඊයේ (23) දින සිදු වූ බවට එලීගේ දියණිය වන කර්ස්ටන් තහවුරු කළ බවයි.
ඇය සඳහන් කර ඇත්තේ මෙවැන්නක්;
“ලෝකය මෙතෙක් දැන සිටි ශ්‍රේෂ්ඨතම මිනිසුන්ගෙන් කෙනෙකු අහිමි වී තිබෙනවා. මට මගේ පියා අහිමි වුණා. මගේ තාත්තාව මිනිස්සු වීරයෙක් කියලා හඳුන්වපු කෙනෙක්. ඔහු නළුවෙක්, ලේඛකයෙක්, පුහුණුකරුවෙක්, උපදේශකයෙක්,නායකයෙක්..” යනුවෙන්.
එලී මියයන විට 86 හැවිරිදි වියෙහි පසුවුණා.
එලී ප්‍රථම වරට ප්‍රසිද්ධියට පත් වූයේ 1960 ගණන්වල NBC හි “Tarzan” හි ප්‍රධාන භූමිකාවට පිවිසීමෙන් පසුවයි.
එම රූපවාහිනී කතා මාලාව 1966 සිට 1968 දක්වා දිවගියා.
ඉන්පසුව, “Wonder Woman”, “The Love Boat”, “Fantasy Island” සහ “Superboy” ඇතුළු රූපවාහිනියේ විශාලතම සංදර්ශන කිහිපයකම Ely ආරාධිත චරිත නිරූපණය කළ විශිෂ්ටයෙක්.
