මෙරට ඇමරිකානු තානාපතිනි ජුලී චන්ග් සහ උතුරු පළාත් ආණ්ඩුකාර පි.එස්.එම්.චාර්ල්ස් අතර සාකච්ජාවක් ඊයේ (17) පවත් වුණා.
යාපනය පිහිටි උතුරු පළාත් ආණ්ඩුකාර කාර්යාලයේ දී මෙම සකච්ඡාව පැවති බවටයි තොරතුරු වාර්තා වුණේ.
උතුරු පළාතේ සංචාරයකට එක්ව සිටින ඇමරිකානු තානාපතිනිය ආණ්ඩුකාරතුමිය හමු වී උතුරු පළාතේ සංවර්ධන කටයුතු සම්බන්ධයෙන් මෙහිදී විමසා සිටියා.
උතුරු පළාතේ අධ්යාපන, සංචාරක, ඉඩම් නිදහස් කිරීම, උතුරු පළාතේ දූපත් සඳහා ප්රවාහන පහසුකම් සැපයීම, ව්යාපාරික අවස්ථා හා ආයෝජන කටයුතු ඇතුළු කරුණු රැසක් සම්බන්ධයෙන් මෙහිදී දෙපාර්ශ්වය අතර සාකච්ඡා වී තිබෙනවා.
උතුරු පළාතේ පශු සම්පත් නිෂ්පාදනය වැඩි දියුණු කළ යුතු බවත්, ඒ සඳහා යාන්ත්රික තාක්ෂණය භාවිතය පිළිබඳව ජනතාව දැනුවත් කළ යුතු බවත් ආණ්ඩුකාරවරිය එහිදී පැවසුවා.
ඉඩම් නිදහස් කිරීම සහ නිදහස් කළ ඉඩම්වලට ජනතාවට ඇතුළුවීමට ඇති පහසුකම් සම්බන්ධයෙන් ද ඇමරිකානු තානාපතිවරිය විමසීම් කළ අතර, ජනාධිපතිවරයාගේ උපදෙස් පරිදි ඉඩම් නිදහස් කිරීමේ කටයුතු සිදුකරමින් පවතින බවත්, නිදහස් කළ ඉඩම් වෙනුවෙන් අවශ්ය ප්රවේශ මාර්ග විවෘත කොට ඇති බව ද ආණ්ඩුකාරවරිය සඳහන් කළා.
උතුරු පළාතේ සංවර්ධන කටයුතු හා අධ්යාපන කටයුතු දියුණු කිරීමට අවශ්ය සහයෝගය ලබාදීම ඉදිරියටත් සිදුකරන බවත් ඇමරිකානු තානාපතිනිය මෙහිදී පැවසුවා.
