මෙරට ජාතික පුවත් පතක් අසත්‍ය පුවත් ප්‍රචාරය කරමින් රටේ ජනතාව අතර අසමඟිය ඇතිවන ආකාරයෙන් කටයුතු කරන බව සෞඛ්‍ය සහ ජනමාධ්‍ය අමාත්‍ය නලින්ද ජයතිස්ස පවසනවා.
රජයේ ප්‍රවෘත්ති දෙපාර්තමේන්තුවේ අද (03) කැඳවා තිබූ ප්‍රවෘත්ති සාකච්ඡාවක දී අමාත්‍යවරයා මේ බව සඳහන් කළා.
මේ අතර රජය විසින් ආරම්භ කළ ‘ක්ලින් ශ්‍රී ලංකා’ වැඩසටහන පිළිබඳව ජනතාව කෙරෙහි අප්‍රසාදයක් ගොඩනැඟීමට දේවේශ සහගතව අදාළ පුවත්පත මාධ්‍ය භාවිත කර ඇති බවත් අමාත්‍යවරයා මෙහිදී වැඩිදුරටත් පේනවා දුන්නා.
ඒ, මෙම පුවත්පතේ හිමිකරු සහ මෙම පුවත්පත රටේ ඉදිරි ගමන කඩාකප්පල් කිරීම වෙනුවෙන් සැලසුම් සහත කිසියම් දේශපාලන අරමුණ ක්‍රියාත්මක කරමින් සිටින බවයි අමාත්‍යවරයා මෙම ප්‍රවෘත්ති සාකච්ඡාවේ දී සඳහන් කර සිටියේ.
අමාත්‍යවරයා මෙහිදී වැඩිදුරටත් සඳහන් කර සිටියේ අදාළ ජාතික පුවත්පත දිලිත් සුසන්ත ජයවීර නැමති පාර්ලිමේන්තු මන්ත්‍රීවරයෙකුට එකක් අයත් බවයි.
මාධ්‍ය නිදහස අවභාවිත කරමින් මෙවැනි ආකාරයේ අසත්‍ය පුවත් පතුරවමින් රජයේ ඉදිරි ගමන අඩපන කිරීමට කටයුතු කරන මාධ්‍ය පිළිබඳව තීරණයක් ගැනීම මහජනතාව වෙනුවෙන් රජයට අයිතියක් ඇති බවයි අමාත්‍යවරයා සඳහන් කළේ.
