ජාතික අලුත් සහල් මංගල්ය ජනාධිපති රනිල් වික්රමසිංහගේ ප්රධානත්වයෙන් අද (06) දින පෙරවරුවේ අනුරාධපුර ඓතිහාසික ජය ශ්රී මහා බෝ සමිඳුන් අභියස දී පැවැත්වුණා.
සාම්ප්රදායිකව වාර්ෂිකව මහ කන්නයේ නෙලාගත් වී අස්වැන්නෙහි නොඉඳුල් සහලෙහි අග්රඵලය ජය ශ්රී මහා බෝ සමිඳුන් වෙත පූජා කිරීමේ මෙම අලුත් සහල් මංගල්ය අටමස්ථානාධිපති පූජ්ය පල්ලේගම හේමරතන නායක හිමිපාණන් වහන්සේගේ අනුශාසනා පරිදි කෘෂිකර්ම අමාත්යාංශය සහ ගොවිජන සේවා දෙපාර්තමේන්තුව විසින් 57 වන වරටයි සංවිධාන කර තිබුණේ.
රජ සමයේ සිට පැවැත එන මෙම චාරිත්රය සඳහා රට පුරා ගොවීන් රැසක් එක්ව සිටි අතර “කලට වැසි වසිත්වා – කෙත්වතු සාරවත් වේවා” යි ප්රාර්ථනා කිරීමත්, කෘෂිකර්මාන්තයෙන් රට ස්වයංපෝෂිත වී සමෘද්ධිමත් ආර්ථීකයක් ඇති වේවායි සෙත් පැතීමත් මෙහිදී සිදු කෙරුණා.
අටමස්ථානාධිපති නුවර කලාවිය ප්රධාන සංඝනායක පූජ්ය පල්ලේගම හේමරතන නා හිමිපාණන් වහන්සේ විසින් අලුත් සහලින් රන් පාත්රය පිරවීම ආරම්භ කළ අතර, මහා සංඝරත්නයේ පිරිත් සජ්ඣායනා මැද රන් පාත්රය සහලින් පිරවීමේ අවස්ථාවට චාරිත්රාණුකූලව ජනාධිපති රනිල් වික්රමසිංහ ද එක්වුණා.
ජාතික අලුත් සහල් මංගල්යයේ සමරු කලාපයද මෙහිදී ජනාධිපතිවරයා වෙත පිළිගැන්වූවා.
අනුරාධපුර දිස්ත්රික් ගොවිජන සංවිධානයේ නායක පුංචිරාළ ගොවි මහතා විසින් ජනාධිපති රනිල් වික්රමසිංහ වෙත කෘෂිකර්ම යෝජනාවලියක් ද පිළිගැන්වීමටයි කටයුතු කළේ.
ආදිවාසි නායක වන්නියලැත්තන් විසින් ජනාධිපති රනිල් වික්රමසිංහ වෙත මී පැණි පිළිගැන්වීම මෙහිදී සිදුකෙරුණා.
