ශ්රී ලංකාවේ වත්මන් මොහොතේ ඇති තත්වයන් පිළිබඳව ගැබුරින් සිතා බලා ඉක්මනින් එකඟතාවකට පැමිණීමට, ජාත්යන්තර මූල්ය අරමුදල දිරිගැන්වීමට චීනයෙන් සහය ලබා දීමට කටයුතු කරන බව ශ්රී ලංකාවේ චීන තානාපති චී ෂෙන්හොන්ග් පවසනවා.
ඔහු මේ බව කියා සිටියේ මුදල් ඇමති අලි සබ්රී මහතා මුණගැසීමෙන් පසුවය.
මැයි දෙවනි දා කොළඹ මුදල් අමාත්යන්ශයේ දී මෙම සාකච්ඡාව පැවත් වුණු අතර එහිදී වත්මන් ආර්ථික තත්ත්වය, ආර්ථික ගැටලු කළමනාකරණය කිරීමේ ඉදිරි ක්රියාමාර්ග සහ දෙරට අතර පවතින සහයෝගීතාව සම්බන්ධයෙන් දීර්ඝ වශයෙන් සාකච්චා වී ඇත.
ණය ප්රතිව්යුහගත කිරීමට ශ්රී ලංකාව ගත් තීරණයට චීනය පැහැදිලිවම සහාය දෙන බවට චීන තානාපතිවරයා මෙහිදී කියා සිටි අතරම ද්විපාර්ශවීය ණය ප්රතිව්යුහගත කිරීම සම්බන්ධයෙන් අදහස් දක්වා ඇති චීන තානාපතිවරයා මේ සම්බන්ධයෙන් කල් පිරෙන ණය ගැටලු විසඳීම සඳහා අදාළ මූල්ය ආයතන සහ දෙපාර්තමේන්තු සමඟ සාකච්ඡා කිරීමට චීනය ක්රියාකාරීව සහාය දෙන බව පවසා ඇත.
