පවතින අධික වර්ෂාවත් සමඟ දිවයිනේ ප්රදේශ රැසක ජලාශවල වාන් දොරටු විවෘත කර තිබෙනවා.
ඒ, අනුව රාජාංගනය සහ තබ්බෝව ජලාශ වල වාන් දොරටු විවෘත කර ඇති බව වාරි මාර්ග දෙපාර්තමේන්තුව සදහන් කළේ.
අද (25) පෙරවරුව වන විට රාජාංගනය ජලාශයේ වාන් දොරටු 02ක් අඩි 01 බැඟින් විවෘත කර ඇති බවයි වාර්තා වන්නේ.
එමඟින් තත්ත්පරයට ජලය ඝන අඩි 600ක් කලාඔයට මුදා හැරෙන බව වාරි මාර්ග දෙපාර්තමේන්තුව සදහන් කළා.
මේ අතර තබ්බෝව ජලාශයේ ද වාන් දොරටු 06ක් අඩි 03 බැඟින් විවෘත කර තිබෙනවා.
එමෙන්ම දැඳුරු ඔය ජලාශයේ ජල මට්ටම සීඝ්රයෙන් ඉහළ යාම හේතුවෙන් අද (25) උදෑසන 8.00 වන විට වාන් දොරටු 06ක් විවෘත කළ බවයි වාරි මාර්ග දෙපාර්තමේන්තුව දන්වා සිටියේ.
මේ අතර, දැඳුරු ඔයේ වාන් දොරටු ප්රමාණය තත්ත්පරයට ඝන අඩි 16,000 ඉක්මවා ඉදිරියට විවෘත කිරීමේ අවශ්යතාවයක් පැන නැගී ඇති බව ද වාරිමාර්ග දෙපාර්තමේන්තුව නිවේදනය කරනවා.
මේ හේතුවෙන් පුත්තලම සහ හලාවත දිස්ත්රික්කවල දැඳුරු ඔය ආශ්රිත පහත් බිම් ප්රදේශවල පදිංචි ජනතාව දැඩි සැළකිල්ලෙන් කටයුතු කළ යුතු බව දැනුම් දෙනවා.
ඒ අනුව අද (25) සවස් කාලයේ දී දැඳුරු ඔයේ පහළ ප්රදේශවල සුළු ගංවතුර තත්ත්වයක් ඇති වීමේ හැකියාවක් පවතින බවයි වාරිමාර්ග දෙපාර්තමේන්තුව වැඩිදුරටත් සඳහන් කර සිටියේ.
