2019 දී 370 වැනි වගන්තිය අහෝසි කිරීමෙන් පසු ජම්මු සහ කාශ්මීර යූනියන් ප්‍රදේශයේ පළමු මැතිවරණය ඉන්දීය මැතිවරණ කොමිසම (ඊසීඅයි) විසින් සාර්ථකව පවත්වනු ලැබුවා.
ජම්මු සහ කාශ්මීරයේ 2024 සැප්තැම්බර් 20 වැනි දින පැවති සභා මැතිවරණයේ පළමු අදියරේදී 61.38% ක ඡන්ද ප්‍රතිශතයක් වාර්තා වුණා.
සැප්තැම්බර් 25 වන දින ජම්මු සහ කාශ්මීර් ප්‍රාන්තයේ පැවති සභා මැතිවරණයේ දෙවන අදියරේදී යූනියන් ප්‍රදේශයේ දිස්ත්‍රික්ක හයක් පුරා පැතිරී ඇති මැතිවරණ කොට්ඨාස 26 ක 56.05% ක ඡන්ද ප්‍රතිශතයක් සටහන් වුණා.
ඡන්ද විමසීමේ තුන්වන සහ අවසන් අදියර ඔක්තෝබර් 01 වැනිදා පැවැත්වුණේ, මුළු ආසන 40ක් ආවරණය වන පරිදියි.
මැතිවරණයේ අවසන් අදියරේ ඡන්දය ප්‍රකාශ කිරීම සියයට 65.58ක්.
සටන්කාමීත්වය සහ ප්‍රජාතන්ත්‍රවාදී ක්‍රියාවලීන් වර්ජනය කිරීම සම්බන්ධයෙන් කුප්‍රකට වූ ප්‍රදේශවල ඡන්ද ප්‍රකාශ කිරීමේ ප්‍රතිශතයේ සැලකිය යුතු වැඩි වීමක් මෙම මැතිවරණවල දී දැකගත හැකි වුණා.
මේ වන විට සිදු කෙරෙන ඡන්ද ගණන් කිරීම් අනුව අග්‍රාමාත්‍ය නරේන්ද්‍ර මෝදිගේ පක්ෂය තරමක් පසු බැස තිබෙනවා.
කොංග්‍රසය සහ ප්‍රාදේශීය පක්ෂ ජාතික සම්මේලනය (NC) විසින් පිහිටුවන ලද විපක්ෂ සන්ධානයක් දැනට ජම්මු සහ කාශ්මීරයේ ඉදිරියෙන් සිටිනවා.
