පාර්ලිමේන්තු මන්ත්රීවරුන් විසින් සාවද්ය තොරතුරු ඉදිරිපත් කර, ජනතා අරමුදලින් අනුමත කරන ලද මුදල් උපරිම ප්රමාණයට වඩා ජනාධිපති අරමුදල් ලබාගෙන වංචා කිරීම සම්බන්ධයෙන් විමර්ශනයක් සිදුකරන බව අපරාධ පරීක්ෂණ දෙපාර්තමේන්තුවේ වානිජ අපරාධ කොට්ඨාශය විසින් අද (06) කොටුව මහේස්ත්රාත් නිලුපුලී ලංකාතිලක මහත්මිය හමුවේ වාර්තාවක් ගොනු කරමින් පැවසුවා.
අපරාධ පරීක්ෂණ දෙපාර්තමේන්තුවේ වානිජ අපරාධ කොට්ඨාශයට ලද තොරතුරක් අනුව මේ සම්බන්ධයෙන් විමර්ශනයක් ආරම්භ කර ඇති බව පොලීසිය මහේස්ත්රාත්වරිය හමුවේ දන්වා සිටියා.
සිද්ධිය සම්බන්ධයෙන් විමර්ශන සිදුකර අධිකරණයට වාර්තා කරන ලෙස නියෝග කළ මහේස්ත්රාත්වරිය විමර්ශන සහාය සඳහා අවශ්ය වුවහොත් නියෝග අයැදින ලෙසත් නියෝග කළා.
පසුගිය රජයන් සමයේ ජනාධිපති අරමුදලේ මුදල් ඇතැම් දේශපාලනඥන් සෞඛ්ය පහසුකම් මෙන්ම තවත් විවිධ අවශ්යතා වෙනුවෙන් ලබාගෙන ඇති ආකාරය පිළිබඳව අමාත්ය නලින්ද ජයතිස්ස පාර්ලිමේන්තුවේ දී පසුගියදා හෙළිකළා.
