මෙවර ජනාධිපතිවරණ ඡන්ද විමසීමේ දී ඡන්දය භාවිත කිරීමේ හොඳ ප්‍රවනතාවක් දක්නට ඇති බව මැතිවරණ කොමසාරිස් ජනරාල් සමන් ශ්‍රී රත්නායක පවසනවා.
අද (21) දහවල් මාධ්‍ය වෙත අදහස් දක්වමින් කොමසාරිස් ජනරාල්වරයා මේ බව සඳහන් කළා.
මේ අතර ඡන්දය සලකුණු කිරීම ඡායාරූප ගත කළ මීටියාගොඩ ප්‍රදේශයේ පුදගලයෙක් අත්අඩංගුවට ගැනීමට කටයුතු කර ඇති බව ද මැතිවරණ කොමසාරිස් ජනරාල්වරයා මෙහිදී පැවසුවා.
එමෙන්ම යාපනය ප්‍රදේශයේ ඡන්දදායකයෙක් ඡන්ද පත්‍රිකාවෙන් කොටසක් රැගෙන යෑමට උත්සාහ කිරීමේ දී පොලිසිය විසින් ඔහුව අත්අඩංගුවට ගැනීමේ සිදුවීමක් වාර්තා වී ඇති බව ද කොමසාරිස්වරයා සඳහන් කළා.
අද (21) පස්වරු 7.00 පමණ තැපැල් ඡන්ද ගණන් කිරීම ආරම්භ කිරීමට හැකියාව පවතින බව සඳහන් කළ ඔහු, පළමු ඡන්ද ප්‍රතිඵලය මධ්‍යම රාත්‍රියට පෙර නිකුත් කිරීමට බලාපොරොත්තු වන බවයි පැවසුවේ.
මේ අතර අද (21) පස්වරු 4.00 වනවිට ඡන්ද මධස්ථාන වෙත පැමිණ සිටින සියලුම ඡන්දදායකයින්ට ඡන්දය භාවිත කිරීමට අවස්ථාව සලසා දෙන බවයි පහු මෙහි දී වැඩිදුරටත් සඳහන් කර සිටියේ.
