ඡන්ද මධ්‍යස්ථාන වෙත පහරදීමට සූදානමක් පවතින බවට පළවන වාර්තා සම්පූර්ණයෙන්ම අසත්‍ය බව මැතිවරණ කොමසාරිස් ජනරාල් සමන් ශ්‍රී රත්නායක පවසනවා.
අද (14) පෙරවරුවේ මාධ්‍ය වෙත අදහස් දක්වමින් කොමසාරිස් ජනරාල්වරයා මේ බව සඳහන් කළ අතර, දිවයින පුරා පිහිටි සියලුම ඡන්ද මධ්‍යස්ථාන තුළ ඉතා සාමකාමී ලෙස ඡන්ද විමසීම සිදුකරන බවයි ඔහු පැවසුවේ.
නිදහස් සහ සාමකාමී ලෙස ඡන්ද විමසීම සිදුකරගෙන යාම ඉවසාගත නොහැකි ඇතැම් පුද්ගලයින් මෙලෙස අසත්‍ය ප්‍රකාශයන් සිදුකරන බවයි කොමසාරිස් ජනරාල්වරයා වැඩිදුරටත් පවසා සිටියේ.
එවැනි ආකාරයේ අසත්‍ය ප්‍රකාශ සිදුකිරීමෙන් වැළකී සිටින ලෙසට ගෞරවයෙන් යුතුව ඉල්ලා සිටින බව ද ඔහු මෙහිදී සඳහන් කළා.
මේ අතර අද (14) පෙරවරු 10.30 පමණ වන විට සියයට 15ක පමණ ප්‍රතිශතයක් ඡන්දය භාවිත කර ඇති බව ද මැතිවරණ කොමසාරිස් ජනරාල්වරයා පවසා සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
