සැප්තැම්බර් මස 21 වැනි දින ජනාධිපතිවරණය පැවැත්වීම හේතුවෙන් දිවයිනේ සියලුම රජයේ හා රජයේ නොවන පාසල් වසා දැමීම සම්බන්ධයෙන් අධ්යාපන අමාත්යාංශය නිවේදනයක් නිකුත් කර තිබෙනවා.
එම නිවේදනයේ දැක්වෙන්නේ ජනාධිපතිවරණය සඳහා මැතිවරණ කොමිෂන් සභාවේ සභාපතිගේ අංක EC/ADM/PRE/2024 සහිත 2024.09.09 දිනැති ලිපිය මගින් ඉල්ලා ඇති පරිදි දිවයිනේ සියලුම පාසල් සැප්තැම්බර් මස 20 දින වසා තැබෙන බවයි.
එසේ වසා දැමෙන සියලු ම පාසල් සැප්තැම්බර් මස 23 වැනි දින යළිත් ආරම්භ කෙරෙන බව ද නිවේදනයේ දැක්වෙනවා.
තව ද ඡන්ද මධ්යස්ථාන වශයෙන් යොදා ගන්නා පාසල් සැප්තැම්බර් මස 19 වැනි දින පාසල් වේලාවෙන් පසුව අවශ්යතාව පරිදි අදාළ ග්රාම නිලධාරීන් වෙත භාර දීමට කටයුතු කළ යුතු බව ද අධ්යාපන අමාත්යාංශය නිවේදනය කර තිබෙනවා.
ඡන්ද මධ්යස්ථාන කටයුතු සඳහා අවශ්ය මේස, පුටු සහ ශාලා පහසුකම් ලබාදීමට සියලුම කලාප අධ්යාපන අධ්යක්ෂවරුන් සහ විදුහල්පතිවරුන් දැනුම්වත් කර ඇති බවත්;ඡන්ද ගණන් කිරීමේ මධ්යස්ථාන ලෙස යොදා ගන්නා පහත සඳහන් පාසල් එම ලේඛනයේ සඳහන් පරිදි ඒ ඒ පාසලට අදාළ කාල වකවානුව තුළ පමණක් වසා දැමීමට කටයුතු කරන බව ද අධ්යාපන අමාත්යාංශය නිකුත් කළ නිවේදනයේ වැඩිදුරටත් සඳහන්.
