කොල්කටා නයිට් රයිඩර්ස් ෆ්‍රැන්චයිස් සඳහා නව උපදේශකයා ලෙස හිටපු බටහිර ඉන්දීය කොදෙව් ක්‍රිකට් ක්‍රීඩක ඩ්වේන් බ්‍රාවෝ පත්කර ඇති බව වාර්තා වනවා.
ඒ, අනුව ඩ්වේන් බ්‍රාවෝ 2025 ඉන්දීය ප්‍රිමියර් ලීග් තරගාවලියේ දී එම තනතුරේ වැඩ ආරම්භ කරනු ඇති බවයි විදෙස් ක්‍රීඩා මාධ්‍ය වාර්තා කළේ.
ආබාධයක් හේතුවෙන් ඔහු මේ වනවිට ක්‍රියාත්මක කැරිබියන් ප්‍රිමියර් ලීග් තරගාවලියෙන් ඉවත්ව සියලුම ආකාරයේ ක්‍රිකට් ක්‍රීඩාවන්ගෙන් විශ්‍රාම ගැනීමට තීරණය කර පැය කිහිපයකට පසු කොල්කටා කණ්ඩායම සමඟ මෙම නව ගිවිසුමට එළඹ ඇති බවයි වාර්තා වුණේ.
කොල්කටා නයිට් රයිඩර්ස් උපදේශක ලෙස කටයුතු කළ ගෞතම් ගාම්භීර් එම තනතුරින් ඉවත් වී ඉන්දීය ජාතික කණ්ඩායමේ ප්‍රධාන පුහුණුකරු තනතුරට පත්වීමෙන් පසු එම නයිට් රයිඩර්ස් උපදේශක තනතුර පුරප්පාඩුව පැවතියා.
ඩ්වේන් බ්‍රාවෝ 2024 අයි.පී.එල් තරගවාරයේ දී චෙන්නායි සුපර් කිංග්ස් කණ්ඩායමේ වේග පන්දු යැවීමේ පුහුණුකරු ලෙස කටයුතු කළ අතර, දීර්ඝ කාලයක් චෙන්නායි කණ්ඩායමේ නිත්‍ය තුන් ඉරියව් ක්‍රීඩකයා බවට ද ඔහු පත්ව සිටියා.
