චීන රාජ්ය අනුබද්ධිත හැකර්වරු අමෙරිකාවේ මෙවර ජනාධිපති ධුර අපේක්ෂක ඩොනල්ඩ් ට්රම්ප්ගේ නම් නොකරන ලද උපදේශකයෙකුගේ ඇතුළු එරට දේශපාලන ප්රබලයින්ගේ දූරකථන ඇමතුම්වලට සවන් දී රහස්ය තොරතුරු ලබාගෙන ඇති බවට එරට මාධ්ය වාර්තා කරනවා.
‘වොෂින්ටන් පෝස්ට්’ වෙබ් අඩවිය සඳහන් කළේ; රිපබ්ලිකන් පක්ෂ අපෙක්ෂකයා ඇතුළු සැලකිය යුතු දේශපාලනඥයින්ගේ දූරකථන සංවාද චීන රාජ්ය අනුබද්ධිත හැකර්වරුන් වෙත ගොස් ඇති බවයි.
ෆෙඩරල් විමර්ශන කාර්යාංශය (FBI) සහ එක්සත් ජනපද සයිබර් ආරක්ෂක ඒජන්සියට අනුව (US Cybersecurity and Infrastructure Security Agency) ඔක්තෝබර් 25 දින චීනය හා සම්බන්ධ පුද්ගලයින් විසින් වාණිජ විදුලි සංදේශ යටිතල පහසුකම් සඳහා අනවසරයෙන් ප්රවේශ වීමේ සිදුවීම සම්බන්ධයෙන් මේ වනවිට විමර්ශන ආරම්භ කර තිබෙන බව අමෙරිකාව නිවේදනය කරනවා.
ට්රම්ප්ගේ ව්යාපාරය පිළිබඳව මෙම හැකර් ප්රහාරය ඉලක්ක වී ඇති බවත් කෙටි පණිවුඩ වැනි සංකේතනය නොකළ සන්නිවේදනයන් වෙත පිවිසීමට චීන හැකර්වරුන්ට හැකි වූ බව ද වාර්තා වුණා.
ඩිමොක්රටික් පක්ෂයේ ජනාධිපති අපේක්ෂක කමලා හැරිස්ගේ ප්රචාරක ව්යාපාරයට සම්බන්ධ පුද්ගලයන් භාවිත කළ දුරකථන ද චීන හැකර්වරුන්ගේ ඉලක්ක වූ බව පසුගියදා රොයිටර්ස් පුවත් සේවය ද තහවුරු කළා.
ට්රම්ප් සහ ඔහුගේ දේශපාලන සහකරු J.D. වැන්ස් ඉලක්ක කරගනිමින් මෙම හැකර් ප්රහාර එල්ල වී ඇති බවයි පැවසෙන්නේ.
