චීන තාක්ෂණික උපකරණ මර්දනය පුළුල් කිරීමට අමෙරිකාව සැරසෙයි

චීනයේ නිෂ්පාදිත ඉලෙක්ට්‍රොනික උපකරණ මර්දනය කිරීමේ වොෂින්ටනයේ නවතම පියවරක් ලෙස 2022 දී නව මාදිලි අනුමත කිරීම තහනම් කළ නිෂ්පාදකයින් පිරිසකගෙන් චීන උපකරණ ආනයනය කිරීම තහනම් කිරීමට ෆෙඩරල් සන්නිවේදන කොමිසම ඊයේ (03) යෝජනා කළා.

2021 දී ෆෙඩරල් සන්නිවේදන කොමිෂන් සභාව විසින් Huawei, ZTE, Hytera, Hikvision සහ Dahua විසින් නිෂ්පාදනය කරන ලද විදුලි සංදේශ සහ වීඩියෝ නිරීක්ෂණ උපකරණ එක්සත් ජනපද ජාතික ආරක්ෂක අවදානම් ඇති කරන සමාගම් ලැයිස්තුවට එකතු කරනු ලැබුවා.

2022 නොවැම්බර් මාසයේදී, එක්සත් ජනපද විදුලි සංදේශ නියාමකයා එම චීන සමාගම්වලින් නව මාදිලි ආනයනය කිරීමට හෝ විකිණීමට අවසර නොදීමට තීරණය කළා .

2022 නියෝගයට පෙර එක්සත් ජනපදයේ විකිණීමට අනුමත කර ඇති ලැයිස්තුගත චීන සමාගම්වලින් උපකරණ අඛණ්ඩව ආනයනය කිරීම තහනම් කළ යුතුද යන්න පිළිබඳ අදහස් විමසන බව FCC සිකුරාදා පැවසුවා.

මෙම යෝජනාව ඇමරිකානුවන්ට දැනටමත් මිලදී ගෙන ඇති සන්නිවේදන උපකරණ දිගටම භාවිතා කිරීමට ඉඩ සලසන බව FCC පැවසුවා.

දෙසැම්බර් මාසයේදී චීන ඩ්‍රෝන යානාවල සියලුම නව මාදිලි ආනයනය තහනම් කිරීම ඇතුළුව චීන තාක්‍ෂණය ඉලක්ක කර ගනිමින් FCC ක්‍රියාමාර්ග ගණනාවක් ගෙන තිබෙනවා.