චීනයේ සිවිල් කටයුතු අමාත්‍යාංශයේ නවතම සංඛ්‍යාලේඛනවලට අනුව 2024 වසරේ මුල් භාගයේදී විවාහ වූ චීන ජෝඩු සංඛ්‍යාව 2013 වසරෙන් පසු පහළම මට්ටමට වැටී තිබෙනවා.
ඊට හේතු වී ඇත්තේ නරක අතට හැරෙන ආර්ථිකයක් සහ ජීවන වියදම් ඉහළ යාම මධ්‍යයේ රටේ තරුණ තරුණියන් වැඩි පිරිසක් විවාහ මංගල්‍යයන් කල් දැමීමයි.
නිල දත්ත පෙන්නුම් කරන්නේ මෙම වසරේ මුල් භාගය තුළ චීන යුවළ මිලියන 3.43 ක් විවාහ වී ඇති අතර, පසුගිය වසරේ (2023) එම කාලයට සාපේක්ෂව යුවළ 498,000 කින් අඩු වී ඇති අතර එය 2013 සිට වාර්තා වූ අඩුම අගයයි.
2024 වසරේ විවාහ ලියාපදිංචි කිරීමේ වාර්ෂික සංඛ්‍යාව 1980 න් පසු අඩුම අගය වාර්තා කරනු ඇතැයි පුරෝකතනය කර තිබෙනවා.
නවතම සංඛ්‍යාලේඛන අනුව යුවළ මිලියන 1.27ක් දික්කසාද වී ඇතැයි සඳහන්.
සංඛ්‍යාලේඛනවලට අනුව, විවාහ ලියාපදිංචි කිරීම් සංඛ්‍යාව වසර ගණනාවක් තිස්සේ අඩුවෙමින් පවතින අතර, 2014 මුල් භාගයේදී මිලියන 6.94 සිට 2022 පළමු භාගයේදී මිලියන 3.73 දක්වා ක්‍රමයෙන් පහත වැටුණා.
2023 පළමු භාගය තුළ යුවළ මිලියන 3.92ක් ලෙස සුලු ඉහළ යෑමක් පෙන්නුම් කර තිබෙනවා.
