චීන රජය විසින් සිය රජයේ සේවකයන්ට අයිෆෝන් භාවිත කිරීම තහනම් කර ඇති බවට පළ වූ වාර්තාවලින් පසු ඇපල් සමාගමේ කොටස් මිල පිට පිටම දෙවැනි දිනටත් පහත වැටී ඇති බව වාර්තා වනවා.
එම සමාගමේ කොටස් වෙළඳපොළ තක්සේරුව පසුගිය දින දෙක තුළ 6%ට වඩා හෝ ඩොලර් බිලියන 200 (පවුම් බිලියන 160) කින් පහත වැටී ඇති බවයි විදෙස් මාධ්‍ය වාර්තා කරන්නේ.
චීනය තාක්ෂණික දැවැන්තයාගේ තුන්වන විශාලතම වෙළඳපොළ වන අතර, පසුගිය වසරේ එහි මුළු ආදායමෙන් 18%ක් වන අතර, ඇපල් හි නිෂ්පාදන බොහොමයක් එහි විශාලතම සැපයුම්කරු වන Foxconn විසින් නිෂ්පාදනය කරනු ලබන්නේ ද චීනය තුළයි.
වෝල් ස්ට්‍රීට් ජර්නල් පසුගිය බදාදා වාර්තා කළේ, කාර්යාලයට අයිෆෝන් ගෙන ඒම හෝ වැඩ සඳහා භාවිත නොකරන ලෙස බීජිං මධ්‍යම රජය, රජයේ නිලධාරීන්ට නියෝග කර ඇති බවයි.
බ්ලූම්බර්ග් පුවත් සේවය පසුගිය දා වාර්තා කළේ රජය සතු සමාගම්වල සහ රජයේ පිටුබලය ලබන ආයතනවල සේවකයින් මත ද මෙම තහනම පැනවිය හැකි බවයි.
ඇපල් සමාගමේ නවතම නිෂ්පාදනය වන iPhone 15 එළිදැක්වීමට පෙර (සැප්තැම්බර් 12 වෙනිදා) මෙම සිදුවීම් වාර්තාවීම ද විශේෂත්වයක්.
ඇපල් සමාගම සතුව ලොව ඉහළම කොටස් වෙළෙඳපොළ තක්සේරුව ඇති අතර, එය ඩොලර් ට්‍රිලියන 2.8කට ආසන්න වනවා.
