චිලී විදේශ අමාත්ය Alberto Van Klaveren , ඉන්දියාව චිලී සඳහා “ඉතා වැදගත් හවුල්කරුවෙකු” ලෙස හැඳින්වූ අතර විස්තීරණ ආර්ථික හවුල්කාරිත්ව ගිවිසුම (CEPA) සමග ද්විපාර්ශ්වික සබඳතා ඉදිරියට ගෙන යාමට බලාපොරොත්තු වන බව පැවසුවා.
දෙදින නිල සංචාරයක් සඳහා ඔහු ඉන්දියාවට පැමිණියේ විදේශ කටයුතු අමාත්ය එස් ජයිශංකර්ගේ සම-ප්රධානත්වයෙන් පැවත්වෙන දෙවන ඉන්දියා චිලී ඒකාබද්ධ කොමිෂන් සභා රැස්වීමට සහභාගී වීම සඳහායි.
චිලී යනු ලතින් ඇමරිකානු කලාපයේ ඉන්දියාවේ ප්රධාන හවුල්කරුවෙකු වන අතර විදේශ අමාත්යවරයාගේ සංචාරයත් සමග ද්විපාර්ශ්වික සබඳතාවල ප්රගතිය සමාලෝචනය කිරීමට සහ ද්විපාර්ශ්වික සබඳතා තවදුරටත් ශක්තිමත් කරමින් සහයෝගීතාවය සඳහා නව මාවත් ගවේෂණය කිරීමට දෙපාර්ශවයටම අවස්ථාව සැලසෙනු ඇති.
ANI වෙත අදහස් දක්වමින් චිලී විදේශ අමාත්යවරයා පැවසුවේ ඉන්දියාව “චිලී සඳහා ඉතා වැදගත් හවුල්කරුවෙකු” බවයි. “ඉන්දියාව එහි වර්ධනය, සංස්කෘතිය, ශිෂ්ටාචාරය සඳහා අපි අගය කරමු. තව ද ඉන්දියාව සමඟ අපගේ සබඳතා පුළුල් කිරීමට, ඉන්දියාව සමඟ අපගේ සබඳතා ආර්ථික වශයෙන් සහ දේශපාලන වශයෙන් ශක්තිමත් කිරීමට විශාල විභවයක් ඇති බව අපි සිතමු.”
ඉන්දියාව සමඟ CEPA සාකච්ඡා පිළිබඳ අදහස් දක්වමින්, “ඉන්දියාව සම්බන්ධයෙන් නිශ්චිතවම අපගේ එක් අරමුණක් වන්නේ සීපා ගිවිසුමකට ඉදිරියට යාමයි. ඒ සඳහා අවශ්ය අධ්යයනයන් අප දැනටමත් සිදු කර ඇත. අපි කොන්දේසි විශ්ලේෂණය කර ඇති අතර මීළඟ පියවර වනුයේ සාකච්ඡා ආරම්භ කිරීමයි, ඒ සඳහා කාලය ගතවන බව අපි දනිමු, නමුත් අපි සාර්ථක වනු ඇතැයි අපට විශ්වාසයි. “යනුවෙන් චිලී විදේශ අමාත්යවරයා ප්රකාශ කළා.
චිලී 2023 දී ඩොලර් බිලියන 2,847 ක් වටිනා වෙළඳාමක් ඇස්තමේන්තු කර තිබෙනවා.
පසුගිය වසරේ ඉන්දියාව චිලියේ තඹ සහ ලිතියම් නොවන අපනයන සඳහා ගමනාන්තයක් ලෙස 16 වැනි ස්ථානයට පත් වූ අතර භාණ්ඩ හා සේවා අපනයනයෙන් ඩොලර් මිලියන 560 ක් අපනයනය කර ඇති අතර එයින් සියයට 30ක් ආහාර කාණ්ඩයට අයත්.
