පසුගිය දා ඝාතනයට ලක් වූ හමාස් නායක යහ්යා සින්වාර්ගේ බාල සොහොයුරා සොයා මේ වනවිට ඊශ්රායල හමුදා තවදුරටත් මෙහෙයුම් අරඹා තිබෙනවා.
මුහම්මද් සින්වාර් නැමැති ඔහු පසුගිය වසරේ ඔක්තෝබර් මාසයේ දී ඊශ්රායලයට එල්ලකළ ප්රහාරයේ සැලසුම්කරුවෙකු ලෙස කටයුතු කර ඇති බවයි අනාවරණය වී ඇත්තේ.
ඊශ්රායල හමුදාව විසින් හමාස් සංවිධානයේ අතිරේක ජ්යෙෂ්ඨ සාමාජිකයින් ද ඝාතනය කිරීමට උත්සාහ කරන බවයි විදෙස් මාධ්ය තොරතුරු වාර්තා කළේ.
මේ අතර හමාස් නව නායකයා ලෙස මුහම්මද් සින්වාර් පත් කෙරෙනු ඇති බවට තොරතුරු වාර්තා වනවා.
එමෙන්ම යාහ්යා සින්වාර්ගේ නියෝජ්ය නායකයා වූ ඛලීල් අල්-හයා හමාස් දේශපාලන වගකීම් භාර ගනු ඇතැයි ඊශ්රායල ආරක්ෂක නිලධාරීහු විශ්වාස කරනවා.
කුප්රකට ත්රස්තවාදියෙකු වූ යහ්යා සින්වාර්ගේ ගේ බාල සොහොයුරා වන මුහම්මද් සින්වාර් 1975 වසරේ Khan Yunis සරණාගත කඳවුරේ උපත ලබා තිබෙනවා.
ඊශ්රායලය කෙරෙහි ගැඹුරු වෛරයකින් ඇවිළුණු සින්වාර් සහෝදරයන් ඊශ්රායලයට එරෙහිව කඩාකප්පල්කාරී ක්රියාකාරකම්වල ගැඹුරින් සම්බන්ධ වූ පුද්ගලයින්.
