ගාල්ල – දඩල්ල, කනත්ත හන්දියේ දී යතුරුපැදියකින් ගමන් කරමින් සිටි පුද්ගලයෙකුට ගිනි අවියකින් වෙඩි තබා ඝාතනය කර පසුපැදිකාරිය වන ඔහුගේ බිරිඳට තුවාල සිදු කිරීමේ සිද්ධිය සම්බන්ධයෙන් ගාල්ල අපරාධ කොට්ඨාස අපරාධ විමර්ශන කාර්‍යාංසය මගින් මේ වනවිට එක් සැකකරුවෙකු අත් අඩංගුවට ගෙන තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනය කළේ මේ සම්බන්ධයෙන් සිදු කරන ලද විමර්ශනයේ දී අපරාධයට අනුබල දීම හා සැලසුම් කිරීමට අදාළ ව සැකකරුවන් තිදෙනෙකු පිළිබඳ ව හඳුනාගෙන ඇති බවයි.
ඔවුන් පදිංචි ප්‍රදේශවලින් පලා ගොස් ඇති අතර සැකකරුවන් අත් අඩංගුවට ගැනීමට පොලිසිය මහජන සහාය අපේක්ෂා කරනවා.
එම සැකකරුවන්ගේ ඡායාරූප ද මාධ්‍ය වෙත නිකුත් කිරීමටයි පියවර ගෙන ඇත්තේ.
පොලිසියට අවශ්‍ය කර සිටින සැකකරුවන් වන්නේ අංක 541,කුඩා ගම්මානය 19, නව නගර, වීරවිල පදිංචිකරුවෙකු වන එදිරිවීර විජේසුන්දර පටබැඳිගේ නීල් සුරංග, අංක 14,03 වන අදියර, නායගොඩ – රත්ගම විසූ කොත්ති උපේන්ද්‍ර පුෂ්ප කුමාර සහ මැටිවල හසුන් ප්‍රභාත් පද්මකුමාර නමැති රත්ගම – රණපනාදෙණියේ පදිංචිකරුවන්.
මෙම සැකකරුවන් සම්බන්ධයෙන් යම් තොරතුරක් වෙතොත් 071-8591452 (ගාල්ල කොට්ඨාසය – ජ්‍යේෂ්ඨ පොලිස් අධිකාරී) හෝ 091-2233217 යන කොට්ඨාස අපරාධ විමර්ශන අංශය – ගාල්ල වෙත හෝ දන්වන ලෙස ශ්‍රී ලංකා පොලිසිය ඉල්ලා සිටිනවා.
