තම බාල වයස්කාර දියණිය ගෙල සිරකර මරා දැමීම සම්බන්ධයෙන් 40 හැවිරිදි පියෙක් පොලිසිය විසින් අත්අඩංගුවට ගැනුණු පුවතක් ඉන්දීය මාධ්ය වාර්තා කරනවා.
තම පියා අතින් ඝාතනයට ලක්ව ඇත්තේ බිචෞලා ප්රදේශයේ පදිංචිව සිටි හත්වන ශ්රේණියේ ඉගෙනුම ලබමින් සිටි සෝනම් නැමැති 13 හැවිරිදි දැරියක්.
ඊයේ (26) පස්වරුවේ අනුප්ෂහර් පොලිස් බල ප්රදේශයේ පාලමක් යට පඳුරු අතර තිබී පාසල් නිල ඇඳුමකින් සැරසුණු දැරියකගේ මළ සිරුරක් සොයාගෙන තිබෙනවා.
වැඩිදුර විමර්ශනවල දී අනාවරණය වී ඇත්තේ, දැරිය බ්රහස්පතින්දා පාසලට ගොස් ඇති බවත්, ඇගේ පියා වන අජේ ෂර්මා පාසලෙන් පසු ඇයව පාසලෙන් රැගෙන ගොස් ඇති බවත් අනාවරණය වී තිබෙනවා.
පියාගේ ප්රශ්න කිරීම්වලින් හෙළි වූයේ දැරිය පාසලෙන් නිවසට රැගෙන යමින් සිටියදී, ඔහු ඇයව තම කුඹුරට ගෙන ගොස්, ලේන්සුවකින් ගෙල සිර කර මරා දමා, පසුව ඇගේ සිරුර ඇළකට විසි කළ බවයි.
පියාගෙන් වැඩිදුරටත් සිදුකළ ප්රශ්න කිරීමේදී හෙළි වූයේ දැරිය පසුගිය දින කිහිපය තුළ නිවසින් මුදල් සොරකම් කර ඇති බවයි.
ඒ, හේතුවෙන් තමා සහ බිරිද අතර ආරවුල් ඇති වූ බවත් ඔහුපොලිසිය හමුවවේ පවසා තිබෙනවා.
තම දියණිය ඝාතනය කිරීමෙන් පසු, ඔහු පාසලට දැනුම් දී ඇත්තේ තම දියණිය ඥාතීන් සමඟ නැවතී සිටීමට ගොස් ඇති බවත් ඉදිරි දින තුන හතර තුළ නැවත පාසලට නොඑන බවයි.
