ලංකා ගුරු සංගමයේ ප්රධාන ලේකම් ජෝෂප් ස්ටාලින් මහතා ඇතුළු ශිෂ්‍ය ක‍්‍රියාකාරීන් පොලීසිය බලහත්කාරයෙන් අත්අඩංගුවට ගැනීමට විරෝධය දැක්වීමක් ලෙස අද (12 වැනිදා) උදෑසන 6.00 සිට අඛණ්ඩව දැනට ගුරුවරුන් සිදු කරන මාර්ගගත ඉගැන්වීම්වලින් (ඔන්ලයින් අධ්‍යාපනය) ඉවත් වීමට ගුරු හා විදුහල්පති සංගම් 14ක් තීරණය කළ බව ලංකා ගුරු සංගමයේ සභාපති ප‍්‍රියන්ත ප‍්‍රනාන්දු මහතා පැවසීය.
මීට අමතරව මෙම අත්අඩංගුවට ගැනීමට එරෙහිව මිරිහාන හා තලංගම යන පොලිස් ස්ථානවල ස්ථානාධිපතිවරුන්ට එරෙහිව ජාත්‍යන්තර මානව හිමිකම් කොමිසමට පැමිණිලි කරන බවත් මූලික අයිතිවාසිකම් පෙත්සම් හයක් ඉදිරිපත් කරන බවත් හෙතෙම අනුරාධපුර පැවති මාධ්‍ය හමුවේදී කීය. මෙහිදී තවදුරටත් කතාකළ ඒ මහතා මෙසේද කීය.
අද (12 වැනිදා) ඉඳලා අපොස උසස් පෙළ විභාග සඳහා ඔන්ලයින් මගින් විභාග ඉල්ලූම් පත‍්‍ර යොමු කිරීම සඳහා යොදවා සිටි ගුරු හා විදුහල්පතිවරුන් රාජකාරියෙන් ඉවත්වෙනවා. ඒ ගැන විභාග කොමාසරිස්වරයාට හා අධ්‍යාපන ලේකම්වරයාට දැනුම් දී තිබෙනවා.
මේ වෙනකොට ගුරුවරුන් ස්වෙච්ඡුාවෙන් ඉදිරිපත් වී කිසිම පහසුකමක් නොමැතිව මාර්ගගත ඉගැන්වීම් සිදුකරනවා. කලාප කාර්යාල, පළාත් අධ්‍යාපන දෙපාර්තමේන්තුව, අධ්‍යාපන අමාත්‍යාංශය මගින් පවත්වාගෙන යන මාර්ගත ඉගැන්වීම් සියල්ලකින්ම සියලූ දෙනාම ඉවත් වෙනවා.
අපොස සාමාන්‍ය පෙළ විභාග ප‍්‍රතිඵල නිකුත් කිරීමට අසමත් වූ අධ්‍යාපන අමාත්‍යාංශය දැන් ඔක්තෝබර් මාසයේ පහේ ශිෂ්‍යත්ව විභාගය හා උසස් පෙළ විභාගය පවත්වන්න හදනවා. මේක විහිළුවක්. දරුවන්ගේ විෂය නිර්දේශවලින් සියයට අසූවක්වත් කරලා නැහැ. ඒ සඳහා ප‍්‍රමාණවත් කාලයක් ලබාදිය යුතුයි.
කොවිඞ් වසංගතය හමුවේ ගුරුවරුන්ගේ වැටුප් අරගලය අප නැවැත්වූවා. නමුත් රජය අපිව මර්දනය කිරීමට ගන්නා උත්සාහයට එරෙහිව ඉදිරියේදී වැටුප් අරගලය ආරම්භ කරමින් දැඩි වෘත්තීය සමිති ක‍්‍රියාමාර්ගයක් ගන්නවා.
පොලිස්පතිවරයා 5/27 දින නිකුත් කරපු චක‍්‍රලේඛයෙන් පොලිසියට කිව්වා නිරෝධායනය යටතේ පුද්ගලයින් අත්අඩංගුවට ගැනීම ශිෂ්ට ලෙස කරන්න කියලා. පසුගියදා පවත්වපු උද්ඝෝෂනවලදී පොලිසිය ඉතා නින්දිත ලෙස හැසිරෙමින් කටයුතු කළා. මිරිහාන හා තලංගම පොලිස් ස්ථානාධිපතිවරුන්ට එරෙහිව වහාම විනය ක‍්‍රියාමාර්ග ගත යුතුව තිබුණා. ඒ සඳහා දවස් දෙකක් අපි පොලිස්පතිට කල්දුන්නා. එය නොකළ නිසා අද (12 දින* අපි ජාත්‍යන්තර මානව හිමිකම් කොමිසමට පැමිණිලිකරනවා. ඒ වගේම මූලික අයිතිවාසිකම් පෙත්සම් හයක් ඉදිරිපත් කරනවා.
මෙම වැඩ වර්ජනය සම්බන්ධයෙන් ලංකා ගුරු සේවා සංගමයේ ප්රධාන ලේකම් මහින්ද ජයසිංහ මහතා මෙසේ ද කීය.
මේ ආණ්ඩුව ගුරු විදුහල්පති වැටුප් විෂමතාවයට විසඳුම් ලබා දුන්නේ නැහැ. ඒ විෂමතාව විසඳාගන්න අපේ වෘත්තීය නායකයින් අරගල කරනකොට තර්ජනය කරනවා. කොතලාවල විශ්වවිiාලය පෞද්ගලිකකරණය කරනවාට එරෙහිව අරගල කරන්න යන අපේ වෘර්තීය සමිති නායකොයෝ කුදලාගෙන ගිහින් නිරෝධායනය කරනවා. මෙන්න මේ මර්දනයන්ට එරෙහිව අද ඉඳලා අඛණ්ඩව ගුරුවරුන් 2,48,000ක් හා විදුල්පතිවරුන් 16,000ක් ඔන්ලයින් අධ්‍යාපනයෙන් ඉවත්වී වැඩවර්ජනයේ යෙදෙනවා.
ප‍්‍රදීප් ප‍්‍රසන්න සමරකෝන්, සහ එම්. එම්. පී. ජී. පෙරේරා නොච්චියාගම
