බංග්ලාදේශය සහ ඇෆ්ගනිස්තානය අතර පැවති පළමු එක්දින තරගය ජය ගන්නට ඇෆ්ගනිස්තාන කණ්ඩායම ඊයේ (06) සමත් වුණා.
දෙරට අතර තරගය ඊයේ සාජා නුවර දී පැවැත්වුණේ කාසියේ වාසියේ ජය ඇෆ්ගනිස්තානයට හිමිකර දෙමින්.
ඒ අනුව ඇෆ්ගන් නායක හෂ්මතුල්ලා ෂහිඩි තීරණය කළේ පළමුව පන්දුවට පහරදීමටයි.
ඇෆ්ගනිස්තාන කණ්ඩායම සියල්ලන් ම දැවී පන්දුවාර 49කුත් පන්දු 04ක් තුළ දී ලකුණු 235ක් ලබාගත්තා.
අගනා ඉනිමක් ක්රීඩා කරමින් මොහොමඩ් නබී ලකුණු 84ක් සහ හෂ්මතුල්ලා ෂහිඩි ලකුණු 52ක් ලබාගත්තා.
Nangeyalia Kharote නොදැවී ලකුණු 27 යි.
බංග්ලාදේශය වෙනුවෙන් මුස්ටෆිසර් රහමන් සහ ටස්කින් අහමඩ් කඩුලු 04 බැගින් ද, ශොරිෆුල් ඉස්ලාම් එක් කඩුල්ලක් ද බිඳ හෙලුවා.
ජයග්රහණයට පන්දුවාර 50ක් තුළ ලකුණු 236ක ඉලක්කයක් හඹා ගිය බංග්ලාදේශ කණ්ඩායම ලකුණු 143කට සියල්ලන් ම දැවී ගියා.
පීඩනකාරී කඩුලු බිඳ දැමීමක නිරත වූ ගසන්ෆර් (AM Ghazanfar) ලකුණු 26කට කඩුලු 06යි.
රෂීඩ් ඛාන් කඩුලු 02ක් සහ ඔමර්සායි එක් කඩුල්ලක් බිඳ දැමුවා.
ඒ අනුව ඇෆ්ගනුන්ට ප්රතිවාදී බංගලීන් ව පළමු එක්දින තරගයේ දී ලකුණු 92කින් පරාජ කිරීමට හැකි වුණා.
තරගයේ වීරයා ලකුණු 26ක් තුළ කඩුලු 06ක් බිඳ දැමූ ඇෆ්ගන්සිතානයේ ගසන්ෆර්.
දෙරට අතර පැවැත්වෙන දෙවැනි එක්දින තරගය අනිද්දා (09) පැවැත්වෙනවා.
