ගලේවෙල සිසුවියක් සහ තරුණයෙක් ගෙළ වැළලාගෙන මිය ගිය සිද්ධියේ තොරතුරු රැසක් එළියට (වීඩියෝ)

ගලේවෙල ප්‍රදේශයේ පාළු නිවසක තිබී පාසල් දැරියකගේ සහ තරුණයෙකුගේ සිරුරු දෙකක් පොලිසිය විසින් අද (19) සොයා ගත්තා.

මෙලෙස මියගොස් ඇත්තේ 14 හැවිරිදි පාසල් සිසුවියකගේ වන අතර තරුණයා 20 හැවිරිදි වියේ පසුවන අයෙක් බවයි වාර්තා වුණේ.

ඔවුන් දෙදෙනා අතර ප්‍රේම සම්බන්ධයක් තිබී ඇති අතර, මීට පෙර අවස්ථාවක දී මොවුන් නිවසින් පැනගොස් ඇති බවට වාර්තා වූ බවයි පොලිසිය සඳහන් කළේ.

ඒ, සම්බන්ධයෙන් ලද පැමිණිල්ලකට අනුව ඔවුන් දෙදෙනා සොයාගෙන ඇති අතර, පසුව මොවුන් දෙදෙනා අධිකරණයට ඉදිරිපත් කිරීමෙන් පසු අධිකරණයෙන් අදාළ බාලයවයස්කාර පාසල් දැරිය ඇයගේ මවගේ භාරයට පත් කිරීමටයි නියෝග කර ඇත්තේ.

කෙසේ වෙතත් ඔවුන් දෙදෙනා යළිත් නිවසින් පැනගොස් ඇති අතර, එහිදී තරුණයාගේ ගම් ප්‍රදේශය වන ආඳාවල නිවසක ඔවුන් රැඳී සිට ඇති බවයි තොරතුරු වාර්තා වුණේ.

පසුව අදාළ සිසුවියගේ නිවසට ලැබුණු ආරංචියක් මත සොයාබැලීමට ගොස් ඇති අතර, එම අවස්ථාව ඔවුන් දෙදෙනා ගෙළ වැළලාගෙන මියගොස් සිටියදී හමුව තිබෙනවා.

කෙසේ වෙතත් සියදිවි නසා ගැනීමක් ද නැතහොත් ඝාතනයක් ද යන්න පිළිබඳව පොලිසිය වැඩිදුරටත් විමර්ශන පවත්වනවා.

මෙම සිද්ධිය සම්බන්ධයෙන් 20 හැවිරිදි තරුණයාගේ වැඩිමල් සහෝදරයා පළකළ අදහස් පහතින්.