මන්නාරම රෝහල වෙත ඇතුළත් කළ ගර්භනී කාන්තාවක් මියයාමේ සම්බන්ධ සිද්ධියට අදාළ ව
වෛද්‍යවරයෙකුගේ සේවය අත්හිටුවීමට සෞඛ්‍ය අමාත්‍යාංශය කටයුතු කර තිබෙනවා.
අප ප්‍රාදේශීය වාර්තාකරු පැවසුවේ; රෝහල් ආරංචි මාර්ග වාර්තා කරන පරිදි දරු ප්‍රසූතිය වෙනුවෙන් පසුගිය 28 වැනිදා මන්නාරම රෝහල වෙත ඇතුළත් කළ මරියරාජ් සින්දුජා නමැති 27 හැවිරිදි උපාධිධාරිනියක් මෙලෙස මියගොස් ඇති බවයි.
ඒ අනුව අදාළ වෛද්‍යවරයාගේ සේවය අත්හිටුවීමට තීරණය කොට ඇති බව ද රෝහල් ආරංචි
මාර්ග සඳහන් කළා.
අදාළ ගර්භනී කාන්තාවගේ මරණය සම්බන්ධයෙන් මීට පෙර හෙදියන් දෙදෙනෙකුගේ හා පවුල් සෞඛ්‍ය සේවා නිලධාරිනියන් දෙදෙනකුගේ ද සේවය අත්හිටුවනු ලැබුවා.
මියගිය තරුණියගේ ඥාතීන් සඳහන් කරනුයේ තම දියණිය දරු ප්‍රසුතිය වෙනුවෙන් මන්නාරම රෝහලට ඇතුළත් කළ අවස්ථාවේ,ගර්භනි වාට්ටුවේ සේවය කළ වෛද්‍යවරයා ඇතුළු කාර්ය මණ්ඩලය අපරීක්ෂාකාරි ව කටයුතු කළ බැවින් තම දියණිය මියගිය බවයි.
සිදුවීම සම්බන්ධයෙන් මියගිය තරුණියගේ ඥාතීන් සිදුකළ පැමිණිල්ලක් මත සෞඛ්‍ය අමාත්‍යාංශය මැදිහත්වීමෙන් පරීක්ෂණයක් පවත්වනු ලැබුවා.
