තරගයක් අතර තුර ඉන්දීය සුපිරි ක්රිකට් ක්රීඩක විරාට් කොලිගේ දෙපා ස්පර්ශකර ඔහුව වැළඳ ගැනීමෙන් පසු අත්අඩංගුවට පත් ප්රේක්ෂකයා නිදහස් කිරීමට ඉන්දෝර් පොලිසිය කටයුතුකර තිබනවා.
මෙම ප්රේක්ෂකයා නිදහස්වීමෙන් පසු ඔහුව මල් මාලා දමා පිළිගැනීමට තවත් ඉන්දීය ක්රිකට් ප්රේක්ෂකයින් පිරිසක් කටයුතු කළ බවයි එරට මාධ්ය වාර්තා කළේ.
සංචාරක ඇෆ්ගනිස්ථානය සමඟ ඉන්දෝර් හිදී පසුගිය 14 වනදා පැවති දෙවන විස්සයි විස්ස තරගය අතර තුර කෝලි පිටියේ පන්දු රකිමින් සිටිය දී මෙම ප්රේක්ෂකයා එක්වරම ක්රීඩා පිටියට ඇතුළු වී කෝලි අසලට දිවවිත් ඔහුව වැළඳගත්තා.
එම අවස්ථාවේ වහාම ක්රියාත්මක වූ ක්රීඩාංගනයේ ආරක්ෂාවට සිටි පොලිස් නිලධාරීන් සහ ක්රීඩාංගන බලධාරීන් ඔහුව ක්රීඩා පිටියෙන් ඉවත් කිරීමටයි කටයුතු කළේ.
අනතුරුව ඔහුව අත්අඩංගුවට ගැනීමට ඉන්දෝර් පොලිසිය කටයුතු කළ අතර, එම පුද්ගලයා දින කිහිපයක් පොලිස් අත්අඩංගුවේ තබා ගැනීමට කටයුතු කළා.
අනතුරුව ඔහුව ඊයේ (16) අත්අඩංගුවෙන් නිදහස් කර ඇති බවයි වාර්තා වුණේ.
