අයි.සී.සී ශූරයින්ගේ කුසලාන එක්දින තරගාවලියේ මූලික වටයේ අවසන් තරගය අද (02) පැවැත්වෙනවා.
ඉන්දියාව සහ නවසීලන්තය අතර මෙම තරගය පැවැත්වෙන්නේ ඩුබායි ජාත්යන්තර ක්රිකට් ක්රීඩාංගණයේ දීයි.
මේ වනවිටත් ඉන්දියාව සහ නවසීලන්තය තරගාවලියේ අවසන් පූර්ව වටය සඳහා සුදුකම් ලබාතිබීම හේතුවෙන් තරගයේ ජය පරාජය දෙපිළටම එතරම් වැඩි බලපෑමක් එල්ල කරන්නේ නැහැ.
මෙම තරගය සඳහා එක්වන ඉන්දියාව සහ නවසීලන්තය තමන් අවසන් වරට සහභාගී වූ එක්දින තරග පහම ජයගෙන ජයග්රාහි මානසිකත්වයකින් පසුවනවා.
මේ අතර ඉන්දීය සුපිරි පිතිකරු විරාට් කෝලි අද දිනයේ සිය 300 වන ජාත්යන්තර එක්දින තරගය සඳහා ක්රීඩා කිරීමට නියමිතයි.
2008 සිට 2025 මේ දක්වා කාලය තුළ කෝලි එක්දින තරග 299ක් ඉන්දියාව වෙනුවෙන් ක්රීඩා කර ඇති අතර, එක්දින ලකුණු 14085ක් රැස්කරගෙන සිටිනවා.
ඒ, අනුව ඉන්දියාව වෙනුවෙන් එක්දින තරග 300 සීමාව සම්පූර්ණ කළ 07 වන පිතිකරුවා බවට කෝලි පත්වනු ඇති.
