ගෞතම් ගාම්භීර් සමඟ ඇති අතීත ගැටුම් වත්මන් ඉන්දීය ක්‍රීඩක විවේකාගාරය තුළ ඇතිකර නොගන්නා බවට විරාත් කෝලි ඉන්දීය ක්‍රිකට් ආයතනයට පොරොන්දු වී තිබෙනවා.
ගෞතම් ගාම්භීර් සමඟ ඔහුගේ අතීත පිටියේ ආරවුල් ඔවුන්ගේ පුහුණුකරු-ක්‍රීඩක සම්බන්ධතාවයට කිසිඳු බලපෑමක් කර කර නොගන්නා බවට විරාත් කෝලි ඉන්දීය ක්‍රිකට් ආයතනය වෙත සහතික වී ඇති බවයි වාර්තා වන්නේ.
ක්‍රිකට් උපදේශක කමිටුවේ ඒකමතික තීරණයකින් පසු ගාම්භීර් ඉන්දීය ප්‍රධාන පුහුණුකරු ලෙස පත් කිරීම ඉන්දීය ක්‍රිකට් ආයතනය විසින් පසුගිය දා තහවුරු කරනු ලැබුවා.
කෙසේ වෙතත් හිටපු ඉන්දීය ආරම්භක පිතිකරුවා, විරාට් කෝලි සමඟ සිටි කටුක අතීතය ක්‍රීඩා ලෝලීන්ගේ ප්‍රධාන කනස්සල්ලට හේතුවක් වුණා.
මේ අතර දිගු විවේකයක් අවශ්‍යව සිටින රෝහිත් ෂර්මා, විරාත් කෝලි සහ ජස්ප්‍රිත් බුම්රා යන ක්‍රීඩකයින් ගෞතම් ගාම්භීර්ගේ පළමු වගකීමවන ශ්‍රී ලංකා තරග සංචාරය තුළ දී අවශ්‍ය බවට දන්වා සංචිතය සඳහා එක්කර ගැනීමට ද කටයුතු කර තිබෙනවා.
