කෝපා අමෙරිකා පාපන්දු තරගාවලියේ අවසන් මහා තරගයට කොලොම්බියාව එයි

දෙවැනි අවසන් පූර්ව තරගයේ දී උරුගුවේ කණ්ඩායම පරාජය කළ කොලොම්බියාව කෝපා ඇමෙරිකා පාපන්දු තරගාවලියේ අවසන් මහා තරගයට සුදුසුකම් ලබා ගත්තා.

තරගයේ 39 වැනි මිනිත්තුවේදී උරුගුවේ කණ්ඩායම තරගයේ වාර්තා වූ එකම ගෝලය වාර්තා කළා.

පළමු අර්ධය තුළ දී ම කොලොම්බියානු ක්‍රීඩක Daniel Munoz කහ කාඩ්පත් දෙකක් ලැබීම හේතුවෙන් තරගයෙන් ඉවත් කෙරුණා.

එතැන් සිට කොලොම්බියා කණ්ඩායමට ක්‍රීඩකයින් 10 දෙනෙකු සමගින් තරග වැදීමට සිදු වුවත් උරුගුවේ ක්‍රීඩකයින්ට ඔවුන්ගේ දැල ආක්‍රමණය කරන්නට හැකි වූයේ නැහැ.

තරගය 1 – 0 ⁣ක් ලෙස අවසන් වුණේ ආර්ජන්ටිනාව සමග අවසන් තරගයට කොලොම්බියාවට අසුන් වෙන් කරමින්.

තරගයේ 90 වැනි මිනිත්තුවේ දී Ollie Watkins ලබා ගත් ගෝලය සමගින් යුරෝපීය කුසලාන පාපන්දු තරගාවලියේ දී නෙදර්ලන්තය පරාජය කරමින් අවසන් තරගයට සුදුුසුකම් ලබන්නට එංගලන්තය සමත් වුණා.

නෙදර්ලන්තය වෙනුවෙන් Xavi Simons තරගයේ 7 වැනි මිනිත්තුවේදීම ගෝලයක් වාර්තා කළා.

Harry Kane දඩුවම් පහරක් සාර්ථක කර ගනිමින් තරගය සම කර ගත්තා.

Watkins 90 වැනි මිනිත්තුවේදී ලබා ගත් ගෝලයත් සමග එංගලන්තයට අඛණ්ඩව දෙවැනි වරටත් යූරෝ කුසලාන පාපන්දු තරගාවලියේ අවසන් තරගයේ දොර විවර වුණා.