රුපියල් කෝටි 400කට ආසන්න වටිනාකමකින් යුත් අයිස් මත්ද්රව්ය සමග සැකකරුවන් 07 දෙනෙක් පසුගිය වසරේ නොවැම්බර් 12 වැනිදා කිරින්ද – අඳගලවැල්ල මුහුදු ප්රදේශයේදී අත්අඩංගුවට ගනු ලැබුවේ සහකාර පොලිස් අධිකාරී රොහාන් ඕලුගලට ලද තොරතුරකට අනුව සිදු කළ විශේෂ මෙහෙයුමකදීයි.
අදාළ මෙහෙයුම සඳහා පොලිසිය විසින් උපාය දූතයෙක් ලෙස එම පොලිස් කොට්ඨාසයේ සේවය කළ පොලිස් නිලධාරියෙක්ගේ ඥාතියෙක් යොදාගෙන තිබුණා.
එලෙස, උපාය දූතයා ලෙස කටයුතු කළ පුද්ගලයා සම්බන්ධයෙන් හෙළිදරව් වීමත් සමඟ අත්අඩංගුවට ගත් මත්ද්රව්ය තොගය අයත් බව ජාවාරම්කරුවන් විසින් ඔහුව වෙඩි තබා ඝාතනය කිරීම වෙනුවෙන් සැලසුමක් ක්රියාත්මක කර තිබෙනවා.
කෙසේ වෙතත් එම ඝාතන සැලැස්ම සම්බන්ධයෙන් පොලිසියට කරුණු වාර්තා වීමෙන් අනතුරුව අදාළ ඝාතන සැලැස්මේ වෙඩික්කරු, බස්නාහිර උතුර අපරාධ කොට්ඨාසය විසින් අත්අඩංගුවට ගෙන තිබෙනවා.
ඒ රත්නපුර ප්රදේශයේදීයි.
පොලිස් ජීප් රථයකට සමාන රථයකින්, අදාළ උපාය දූතයාගේ නිවසට ගොස් ඔහුව පැහැරගෙන ඝාතනය කිරීමෙන් අනතුරව ගෙල කපා සහකාර පොලිස් අධිකාරී රොහාන් ඕලුගලගේ නිවසේ ගේට්ටුවෙහි එල්ලීමට සැලසුම් කර තිබූ බවයි අත්අඩංගුවට ගනු ලැබූ සැකකරු පොලිසිය වෙත පාපොච්ඡාරණය කර ඇත්තේ.
