කටුනායක ගුවන් තොටුපොලෙන් නීති විරෝධීව රට තුලට ගෙන ඒමට තැත් කළ රන් ආභරණ තොගයක් අත්අඩංගුවට ගැනීමට රේගු ආදායම් අධීක්ෂණ අංශය සමත් ව තිබෙනවා.
ඒ අද (19) දින ශ්රී ලංකා රේගුවේ ආදායම් අධීක්ෂණ අංශයේ ජංගම අංශයේ රේගු නිලධාරීන් විසින් කටුනායක ගුවන්තොටුපල පරිශ්රයේ දී ඔවුන් වෙත ලද තොරතුරක් පදනම් කරගෙන කරන ලද බුද්ධිමය විශ්ලේෂණයකදීයි.
අද උදෑසන 7.30ට පමණ ඩුබායි රටේ සිට පැමිණි ගුවන් මගීන් දෙදෙනෙකු පරීක්ෂා කිරීමේ දී එක් ගුවන් මගියෙකු ලඟ තිබී ඉතා සූක්ෂම ආකාරයෙන් විදේශීය මත්පැන් බෝතල් ලෙස පෙට්ටි තුළ ස්වර්ණාභරණ අසුරා ගෙන විත් පිටව යාමට උත්සහ කළ අවස්ථාවේ දී ඔවුන් අත්අඩංගුවට ගෙන තිබුණා.
ඉන් අනතුරුව ඒ පිළිබඳව වැඩිදුර විමර්ශනයේ දී ස්වර්ණාභරණ කිලෝග්රෑම් 05කට ආසන්න ප්රමාණයක් තිබී සොයාගෙන ඇති බව සඳහන්.
අත්අඩංගුවට ගත් මගීන් දෙදෙනා අම්බලන්ගොඩ සහ යාපනය ප්රදේශවල පදිංචිකරුවන් ය.
