රුපියල් තුන් කෝටි හතලිස් ලක්ෂ දහනව දහසක් වට්නා ” කුෂ්” මත්ද්රව්ය තොගයක් , මෙරටට රැගෙන ආ විදේශීය ගුවන් මගියෙක් අද (02) උදෑසන රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
උදෑසන 11.00ට තායිලන්තයේ බැංකොක් නුවර සිට ශ්රී ලංකන් ගුවන් සේවයේ යූ.එල්.- 403 දරන ගුවන් යානයෙන් කටුනායක ගුවන් තොටුපොළ වෙත පැමිණ මොහු 35 හැවිරිදි ඉන්දීය ජාතිකයෙක් බවයි වාර්තා වන්නේ.
ඔහු විසින් රැගෙන ආ ගමන් මල්ලේ ” කුෂ්” මත්ද්රව්ය කිලෝ ග්රෑම් 03 යි ග්රෑම් 419 ක් සගවා ගෙන සිටියදී මෙසේ අත් අඩංගුවට ගෙන තිබෙනවා.
මේ පිළිබද වැඩිදුර විමර්ශන කටයුතු සදහා මෙම ගුවන් මගියා සහ ඔහු විසින් රැගෙන ආ ” කුෂ්” මත්ද්රව්ය තොගය , කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන ඇති බව දසත News, ගුවන්තොටුපොළ වාර්තාකරු සඳහන් කළා.
