කොස්ගම පොලිස් වසමට අයත් බොරළුගොඩ – පාලම් තරාදිය අසලදී අද (06) අලුයම සිදු වූ වෙඩි තැබීමෙන් කුඩා දරුවෙක් ඇතුළු තිදෙනෙක් තුවාල ලබා රෝහල් ගත කළා.
ඊයේ (05) රාත්රියේ හංවැල්ල ප්රදේශයේ පැවති සංගීත ප්රසංගයක් නරඹා ආපසු අවිස්සාවේල්ල බලා ත්රිරෝද රථයකින් ගමන් කරමින් සිටි පිරිසකට මෙම වෙඩි ප්රහාරය එල්ල වී ඇති බවටයි මේ තොරතුරු වාර්තා වන්නේ.
පොලිසිය සඳහන් කළේ යතුරුපැදියකින් පැමිණි පුද්ගලයන් දෙදෙනෙක් විසින් ත්රිරෝද රථය නවතා මෙම වෙඩි තැබීම සිදුකර ඇති බවයි.
මෙම වෙඩි තැබීමෙන් ‘කොටහැර පොඩ්ඩා’ යන අන්වර්ථ නාමයෙන් හඳුන්වන සංවිධානාත්මක අපරාධ කල්ලි සාමාජිකයෙකුවන 44 හැවිරිදි කඳන ආරච්චිගේ ශ්රියන්ත කුමාර නැමැත්තා තුවාල ලබා ඇති බවයි මේ වනවිට අනාවරණය වී ඇත්තේ.
තුවාල ලැබූ අනෙක් දෙදෙනා රණසිංහ ආරච්චිගේ මල්කි සෙනාලි නැමැති 30 හැවිරිදි කාන්තාවක් සහ ඇයගේ විමාසා හංසනී නැමැති 12 හැවිරිදි දියණිය බවයි පොලිසිය සඳහන් කළේ.
වෙඩි තැබීම සඳහා මිලි මීටර් 09 වර්ගයේ ගිනි අවියක් භාවිත කර ඇති බවට පොලිසිය වැඩිදුරටත් පැවසුවේ.
වෙඩි තැබීම සිදුවූ ස්ථානයට ආසන්නයේ පිහිටි නිවසක ආලින්දයේ ලේ පැල්ලම් කිහිපයක් දක්නට ඇති අතර , වෙඩි පහරට ලක් වූ අයෙකු එම නිවසට ගොස් සැඟවෙන්නට උත්සාහ කර ඇති බවටයි පොලිසිය සැකපළ කරන්නේ.
තුවාල ලැබූ පුද්ගලයින් ප්රතිකාර සඳහා අවිස්සාවේල්ල රෝහලට ඇතුළත් කෙරුණු අතර, සැකකරුවන් අත්අඩංගුවට ගැනීම සඳහා කොස්ගම පොලීසිය විසින් වැඩිදුර විමර්ශන සිදුකරනු ලබනවා.
